Қоғамдық Кеңес мүгедектігі бар адамдардың мұңын билікке жеткізді

---

Ағымдағы жылдың 14 ақпанында өткен Атырау облыстық Қоғамдық кеңесінің отырысында "Мүгедектігі бар адамдардың әлеуметтік қорғалуы" туралы  Заңының орындалысы тыңдалды.

Мүгедектігі бар адамдарды әлеуметтік қорғау барысында 2022 жылы  атқарылған жұмыстар және алдағы жоспарлары туралы облыстық Жұмыспен қамтуды үйлестіру және әлеуметтік бағдарламалар басқармасының басшысы А. Мамбетов баяндама жасады.

Күн тәртібіндегі мәселеге  қосымша Еңбек және халықты әлеуметтік қорғау Комитетінің Атырау облысы бойынша департаментінің басшысы Б.Асаинов ақпарат берді.

Кеңес отырысына облыс әкімінің орынбасары Ж. Бисембиев,  шақырылған басқарма басшылары,  мүгедектігі бар адамдар, БАҚ өкілдері қатысты.  

2021 жылдың қаңтарынан бастап мүгедектігі бар адамдар әлеуметтік қызметтер порталы арқылы техникалық оңалту құралдарымен, санаторий- курорттық емдеу қызметі, жеке көмекшісі және ымдау тілі мамандарының қызметтерімен қамтамасыз етіледі. Мүгедектігі бар адамдарға қызмет көрсететін 54  инватакси 2023  жылдың 2 айында 480  қызмет көрсеткен.  

Мемлекеттік әлеумет тапсырысы шеңберінде 6-18  жасқа дейін мүгедектігі бар балаларды оңалтуда " Дети будущее страны" ҚБ қызмет көрсетеді. 2022  жылы 30  мүгедектігі бар жұмыссыз 400 АЕК мөлшерінде грант алып кәсіп ашқан. Квота арқылы 64 адам тұрақты жұмыспен қамтылған.

"ҚР мүгедек адамдардың құқықтарын қамтамасыз ету және тұрмыс сапасын жақсарту жөніндегі 2025 жылға дейінгі Ұлттық жоспар" 2019 жылы 15 шілдеде облыс әкімінің бірінші орынбасарымен бекітілген. Тоқсан сайын үйлестіру кеңесінде тыңдалады. 2022 жылы мереке күндеріне  өкілді органның шешіміне сәйкес барлығы 26 143 адамға 1342,9 млн.тенге әлеуметтік көмек көрсетілген. 18 жасқа дейін 3 911 балаға және 1;2;3 топтағы мүгедектігі бар 19 703  адамға  барлығы 23 614 адамға 1 180 900,0 мың тенге төленген.

Атқарылған жұмыстармен қатар , шешімін табатын мәселеде бар. Кеңес отырысында инватакси мәселесі,  әлеуметтік инфрақұрылым объектілерін бейімдеу, пандусы жоқ салынған ғимараттардың қабылдануы, мүгедектігі бар адамдардың әлеуметтік қорғалуының жеткіліксіздігі және т.б мәселелер  көтерілді. Кеңес төрағасы Мақсым Ізбасов кеңеспен Қарар қабылданып тиісті мекемелерге ұсыныс жолданатынын мәлімдеді.

 

Атырау облыстық Қоғамдық кеңесі

 

Файл не загружен

Общественный совет: Атырау облысының қоғамдық кеңесі