Қордай ауданында кәмелетке толмағандардың құқықтарын қорғау мәселесі қоғамдық бақылауға алынды

---

Жамбыл облысы, Қордай аудандық Қоғамдық кеңесі «Бала қауіпсіздігі, кәмлетке толмағандардың істері, жастар мен жас өспірімдер және олардың құқықтарын қорғау бойынша ішкі істер бөліміндегі кәмелетке толмаған жастар мен жас - өспірімдер ісі жөніндегі инспекторлардың  және аудан әкімдігінің бас инспектор-кәмелетке толмағандардың  құқықтарын қорғау» жөніндегі комиссия хатшысының  жұмыстарына зерделеу жүргізді.

Зерделеу барысында:

Комиссия тарапынан 28 отырыс өткізілген, оның ішінде 5 кеңейтілген отырыс аудан прокуратурасы өкілдерінің қатысуымен және 3 көшпелі отырыс білім беру ұйымдарында ұйымдастырылған және отырыстар барысында 87 мәселе қаралып, полиция органдарының материалдары, суицид және суицидке ұмтылу деректері, сондай-ақ профилактикалық жұмыстардың нәтижелері талқыланғаны анықталды.

Кәмелетке толмағандардың түнгі уақытта көшеде және ойын-сауық орындарында болуын, сондай-ақ алкогольдік және темекі өнімдерінің сатылуын анықтау мақсатында 405 рейдтік іс-шара өткізілгені анықталды, оның ішінде 156-сы мектептер мен колледждерде. Рейдтер нәтижесінде 1139 кәмелетке толмаған полицияға жеткізіліп, 1054 заңды өкіл әкімшілік жауапкершілікке тартылған.

Жастар ресурстық орталығы, білім беру ұйымдары және денсаулық сақтау мекемелері тарапынан жасөспірімдер арасында құқықбұзушылықтың, интернет-алаяқтықтың, ойынқұмарлықтың, ерте жүктіліктің және девиантты мінез-құлықтың алдын алу бағытында түсіндіру және профилактикалық жұмыстар жүргізілгендігі анықталды.

2025 жылы жасөспірімдердің қатысуымен 3 қылмыс фактісі тіркелген (2024 жылы – 2). Бұл материалдар уақытында қаралып, сотқа жолданған.

Аталған заңсыздықтарға жол берілу нәтижесінде кәмелетке толмағандар арасында топтық төбелес, жыныстық тиіспеушілігіне қатысты зорлық-зомбылық сипатындағы іс-әрекеттердің орын алғаны анықталды.

Нәтижесінде:

Құқықбұзушылықтың алдын алу және жасөспірімдердің қауіпсіздігін қамтамасыз ету мақсатында мобильді топ жетекшілері бекітілді. 2025 жылға арналған аутодеструктивті мінез-құлықтың, қадағалаусыз қалудың және кәмелетке толмағандарға қатысты қылмыстардың алдын алу бойынша бірлескен өзара іс-қимыл алгоритмдері қабылданып, жауапты мекемелерге жолданды.

Тәуекел тобындағы 58 отбасының, сондай-ақ әлеуметтік осал санаттағы 2032 оқушының әлеуметтік карталары жасақталды. «Қиын» санаттағы 6 жасөспірімге психологиялық қолдау көрсетілді.

Кәмелетке толмағандардың істері бойыншаесепте 34 жасөспірім тіркелді, жыл басынан 40 жасөспірім есепке қойылды, жайсыз отбасылар тізімінде 31 тұлға енгізілді. Сонымен қатар, 8 ата-ана ата-аналық құқықтарынан шектелген (айырылған).

Есепті кезеңде өз-өзіне қол жұмсаудың 2 дерегі, суицидке ұмтылудың            2 фактісі тіркелген. Аудандық орталық ауруханада 24 жүкті жасөспірім есепке алынды.

Ұсынулар аудан әкімдігімен қаралып, ауыл әкімдері (Масанчи, Сортөбе, Қаракемер, Сұлутөр а.о әкімдері) мен олардың осы саладағы жауапты қызметкерлері тәртіптік жазаға тартылды.

Тергеп-тексеру барысында күдікті ретінде кәмелетке толмағандар анықталды.

Қорытынды:

Жыл басынан комиссия мүшелері, прокуратура және уәкілетті органдармен бірлесіп 14 жедел профилактикалық іс-шара ұйымдастырылған. Сонымен қатар, аудан аумағында құқықтық мәдениетті қалыптастыру және құқықбұзушылықтың алдын алу мақсатында 22 форум өткізілді.

Құқық бұзушылық профилактикасы аясында ювеналды полиция қызметкерлері тарапынан жұмыстар тұрақты жүргізілуде. Алайда, бұл бағыттағы жұмыстарды қатаң бақылауға алып, құқық бұзушылықтар деңгейін төмендетуге бағытталған шараларды жоғары деңгейде атқару қажет.

Профилактика тұрақты режимге шығарылды.

Файл не загружен

Общественный совет: Қордай аудан, Жамбыл облысы