Қордай аудандық Қоғамдық кеңесі пробация есебіндегі азаматтарды әлеуметтік қолдау жұмыстарына қоғамдық бақылау жүргізді

---

Жамбыл облысы, Қордай аудандық Қоғамдық кеңесі Қордай ауданы бойынша пробация қызметі, жұмыспен қамту және әлеуметтік бағдарламалар бөлімі және аудандық «Мансап орталығы» филиалы тарапынан қылмыстық жазасын өтеген және пробация есебінде тұрған азаматтарға әлеуметтік және өзге де көмек көрсету бағытында атқарылған жұмыстарына зерделеу жүргізді.

 

Зерделеу барысында:

Зерделеу барысында 2025 жыл қорытындысы бойынша пробация есебінде 79 азамат тіркелген. Олардың ішінде басым бөлігі жұмыспен қамтылғанымен, бірқатар азаматтар түрлі себептермен (ұсынылған жұмыстардан бас тартқан, басқа өңірге қоныс аударуына байланысты) еңбекке тартылмағандығы анықталды. 2026 жылдың І тоқсанының қорытындысымен пробация есебінде 70-тен астам азамат тіркеліп, олардың ішінде тұрақты жұмыспен қамтылғандар үлесі сақталған, жұмыссыз азаматтарды жұмыспен қамту шаралары қабылданып жатқандығы анықталды.

Жалпы аталған санаттағы азаматтарды әлеуметтік қолдау мақсатында тиісті жұмыстар жүргізілуде. Атап айтқанда, пробация есебінде тұрған және бас бостандығынан айыру орындарынан босап шыққан азаматтарға біржолғы әлеуметтік көмек, атаулы әлеуметтік көмек, тұрғын үй көмегі, сондай-ақ денсаулық жағдайына байланысты қосымша қолдаулар көрсетілген.

2025 жылы бірқатар азаматтарға қаржылай көмек тағайындалып, аз қамтылған отбасыларға демеушілер есебінен қайырымдылық көмектер ұйымдастырылған.

Пробация қызметі тарапынан бақылау және профилактикалық жұмыстар атқарылған. Қайта қылмыстың алдын алу мақсатында ішкі істер органдарымен бірлескен іс-шаралар ұйымдастырылып, есепте тұрған азаматтардың тұрғылықты мекенжайлары бойынша тексерулер жүргізілген. Электрондық бақылау құралдары қолданылып, олардың жүріс-тұрысы қадағалануда. Сонымен қатар, бүгінгі күнге жаза өтеу тәртібін бұзған тұлғаларға қатысты заң аясында тиісті шаралар қабылданып, сот органдарына материалдар жолданған.

Зерделеу барысында кемшіліктердің бар екендігі байқалды. Атап айтқанда, жұмыспен қамту шаралары жүргізілгенімен, барлық мұқтаж азаматтарды толық қамту қамтамасыз етілмеген, жұмыссыз азаматтардың үлесі сақталуда.

Нәтижесінде:

Нәтижесінде, «Қауіпсіз-Қордай» жобасы аясында жүзден астам отбасының тұрмыстық жағдайына зерделеу жүргізіліп, әлеуметтік карталары жасақталған.

Жұмыспен қамту бағытында аудан бойынша бос жұмыс орындарын анықтау, жәрмеңкелер ұйымдастыру және квота белгілеу арқылы шаралар қабылданды. 2025 жылы және 2026 жылдың І тоқсанында пробация есебіндегі азаматтарды жұмыспен қамту мақсатында бірнеше рет бос жұмыс орындары жәрмеңкелері өткізілді. Квота негізінде жұмыс орындары белгіленіп, (2025 ж. 5, 2026 ж. 4 квота белгіленген) барлық орындарға тұрақты жұмысқа орналастырылды. Сонымен қатар, кейбір азаматтар өз бетінше жұмысқа орналасқан немесе жеке кәсіпкерлікпен айналыса бастаған.

Қайта әлеуметтендіру және оңалту мақсатында 1 000 000 теңге қаражат бөлініп, жарияланған конкурс нәтижесінде «Ақ Сұңқар» жастар қоғамдық бірлестігі түрлі әлеуметтік, құқықтық және психологиялық іс-шаралар ұйымдастырылды.

Қайта қылмыс жасау деректерінің тіркелуі профилактикалық жұмыстардың тиімділігін арттыру қажеттігін білдіреді.

Қорытынды:

Пробация есебіндегі азаматтар арасында спорттық жарыстар, құқықтық түсіндіру кездесулері, семинарлар мен тренингтер өткізілуде, бұл олардың қоғамға бейімделуіне оң әсерін тигізуде.

Қоғамдық қауіпсіздікті қамтамасыз ету, қылмыстық құқық бұзушылықтардың алдын алу мақсатында пробация қызметі және осы салада басқа да жауапты органдардың профилактикалық және түсіндіру жұмыстарын жандандыру қажет.

• пробация есебінде тұрған азаматтар арасында қайта қылмыстың алдын алу мақсатында профилактикалық жұмыстары күшейтіледі;
• есепте тұрған тұлғалармен жеке профилактикалық, рейдтік және тексеру іс-шараларын жүйелі түрде ұйымдастырылады;
• қайта әлеуметтендіру бағытындағы іс-шаралардың тиімділігін арттыру бойынша ұсыныстар енгізілді;
• пробация есебінде тұрған жұмыссыз азаматтарды толық қамту мақсатында жұмыспен қамту шаралары күшейтілді;

бос жұмыс орындары жәрмеңкелерін тұрақты ұйымдастырып, жұмыс берушілермен өзара іс-қимыл жандандырылды.

Файл не загружен

Общественный совет: Жамбыл облысы, Қордай аудандық Қоғамдық кеңесі