Бөрлі ауданының Қоғамдық кеңесінің отырысы (Батыс Қазақстан облысы)

---

Бүгін Бөрлі ауданы Қоғамдық кеңесінің отырысы А.Бектургановтың төрағалығымен өтті. Қоғамдық кеңес отырысына аудан әкімінің орынбасары А.С.Тукжанов, Бөрлі аудандық мәслихатының төрағасы К.Т.Ермекбаев, Ақсай қаласының әкімі А.Т Баяндыков, ауылдық округ әкімдері мен бөлім басшылары қатысты.

Қоғамдық кеңестің күн тәртібінде төмендегі сұрақтар қаралды:

1. «2020-2024 жылдарға арналған Ақсай қаласын дамыту мен салудың кешенді жоспарын іске асыру туралы». Баяндамашы: Ақсай қаласының әкімі Арсен Толқынұлы Баяндыков.

2. 2023-2025 жылдарға арналған аудандық бюджет туралы» Бөрлі аудандық мәслихатының шешіміне өзгерістер енгізу туралы.

3. Ақсай қаласының және ауылдық округтердің «2023-2025 жылдарға арналған бюджеті туралы» Бөрлі аудандық мәслихатының шешіміне өзгерістер енгізу туралы. Баяндамашы: Бөрлі ауданының экономика және қаржы бөлімінің басшысы Гульнар Төлегенқызы Шамгонова.

4. «Қарақұдық ауылдық округі әкімі аппаратының көрсететін мемлекеттік қызметтері туралы». Баяндамашы: Қарақұдық ауылдық округінің әкімі Хамидулла Каменұлы Муканов.

5. «Канай ауылдық округі әкімі аппаратының көрсететін мемлекеттік қызметтері туралы». Баяндамашы: Канай ауылдық округінің әкімі Есбол Демесинұлы Бахиев.

6. «Бөрлі ауданының Пугачев ауылдық округінің Сұлусай разъездін тарату туралы» бірлескен қаулы мен шешім жобасы туралы.

7. 2023 жылғы 10 сәуірдегі №99 «Аудандық бюджеттен қаржыландырылатын Бөрлі ауданының атқарушы органдарының «Б» корпусы мемлекеттік әкімшілік қызметшілерінің қызметін бағалау әдістемесін бекіту туралы» қаулысына өзгеріс енгізу туралы» қаулы жобасы туралы.

8. 2018 жылғы 12 наурыздағы №6 «Аудандық бюджеттен қаржыландырылатын Бөрлі ауданының атқарушы органдарының «Б» корпусы мемлекеттік әкімшілік қызметшілерінің қызметін бағалау әдістемесін бекіту туралы» қаулысының күші жойылды деп тану туралы» қаулы жобасы туралы. Баяндамашы: Аудан әкімі аппаратының мемлекеттік-құқықтық жұмысы бөлімінің басшысы Диана Амантайқызы Муканова.

9. Бөрлі аудандық мәслихатының 2018 жылғы 28 наурыздағы №22-6 «Бөрлі аудандық мәслихатының аппараты» мемлекеттік мекемесінің «Б» корпусы мемлекеттік әкімшілік қызметшілердің қызметін бағалаудың әдістемесін бекіту туралы» шешіміне өзгеріс енгізу туралы . Баяндамашы: Бөрлі аудандық мәслихат аппаратының басшысы Ботакөз Батырғалиқызы Мукашева. Отырыста қоғамдық кеңес мүшелері қоқыс шығару, электр желілері, қаңғыбас иттер, жарықтандыру және абаттандыру мәселелері бойынша сұрақтар қойды.

Баяндамашылар аталған мәселелерді қаперге алып,алдағы уақытта оң шешімін табуға жұмыстанатындықтарын айтты.