Күрделі жөндеуден соң көшелеріне мониторинг

---

Қоғамдық кеңес мүшелері, сарапшылары, Сыбайлас жемқорлыққа қарсы іс-әрекет агенттігінің Ақтөбе облысы бойынша департаментімен бірлесіп а.ж. 7 маусымында күрделі жөндеуден өткен және жөндеу жүріп жатқан қала көшелеріне мониторинг жүргізді. Ақтөбе қалалық тұрғын-үй және коммуналдық шаруашылығы бөлімінің жолдар секторының басшысы қатысты. Ағ. Жұбановтар, Ә. Молдағұлова қиылысы, А. Байтұрсынұлы, Х. Досмұхамедұлы көшелері, асфальт төсеу, тротуарлар, веложолдар, суағарлар тексерілді, көптеген кемшіліктер анықталды. Жол сапасын зерттеу үшін арнайы мамандар шақырылып, жұмыс жүргізді. Кеңес мүшелерінің пікірінше жолдардың сапасыз жөндеу жұмыстарының басты себебі техникалық қадағалау қызметінің өз дәрежесінде атқарылмауы. Бір сарапшының бірнеше нысанға қызмет етуі, уақытында жұмыс барысын зерттеуіне, бақылауға кедергі келтіреді. Бұл бағыттағы өзекті мәселелерді шешу мақсатында Қоғамдық кеңес өз ұсыныстарын облыстық және қалалық әкімдерге жолдамақ.