Сәтбаев қаласы қоғамдық кеңесінің кезекті отырысы

---

Қоғамдық кеңестің кезекті отырысы а.ж. 20 шілдесінде қала әкімінің орынбасары А.Сауқымовтың қатысуымен өтті. Күн тәртібіне сәйкес 4 мәселе қаралды: «Пайдаланылмайтын ауыл шаруашылығы мақсатындағы жерлерді мемлекет меншігіне қайтару бойынша ағымдағы жұмыстар туралы»,  «Сәтбаев қаласының жер қатынастары, сәулет және қала құрылысы бөлімі» ММ мемлекеттік қызметтердің көрсету сапасы туралы, Сәтбаев қаласы Қоғамдық кеңесінің 2023 жылдың І жартыжылдығы бойынша есебі, Сәтбаев қалалық мәслихатының 2022 жылғы 28 желтоқсандағы № 240 «2023-2025 жылдарға арналған қалалық бюджет туралы»  шешіміне өзгерістер енгізу туралы қалалық мәслихат сессия шешімінің жобасы.

Бірінші мәселе бойынша «Сәтбаев қаласының жер қатынастары, сәулет және қала құрылысы бөлімі» ММ басшысы Л.Н.Қараторғаеваның баяндамасы тыңдалды. Ақпарат бойынша Сәтбаев қаласында аумағы  54798 га құрайтын 43 шаруа қожалығы бар. Бөліммен  жерді нысаналы мақсатта пайдаланбау фактісін анықтау жұмыстары үнемі жүргізілуде. Нәтижесінде аумағы 3000 га жер телімі ауыл шаруашылық айналымына тартылған, 500 га иесіз жер телімі анықталып, оны мемлекет меншігіне алу жұмыстары жүргізіліп жатыр. Сондай ақ, Л.Қараторғаева бөліммен көрсетілетін мемлекеттік қызметтер туралы мәлімет берді. Бөліммен көрсетілетін 15 мемлекеттік қызметтің тиімділігі жақсартылған, орындалу мерзімдерінің бұзылуы анықталмаған. Қаралған мәселелер бойынша бөлімге тиісті ұсыныстар берілді.

Күн тәртібіне сәйкес Қоғамдық кеңес төрағасы М.С. Мәдиеваның І жартыжылдық бойынша атқарылған жұмыс туралы есебі тыңдалып, назарға алынды.

Сонымен қатар, Қоғамдық кеңеске келіп түскен НҚА жобасы қаралды. Жоба бойынша «Сәтбаев қаласының экономика және қаржы бөлімі» ММ басшысы А.М. Қожахметов және  ММ басшылары ақпарат ұсынды. Баяндамашыларға кеңес мүшелері сұрақтарын қойып, бір қатар ұсыныстарын ортаға салды. Атап айтқанда: КЭЦ шот-фактуралары бойынша тұтынылатын энергия көрсеткіштерін салыстырып, тексеру; көшені жарықтандыруға қаражат бөлудің тиімділігін қарастырып, үнемделген қаражатты «Шахтер даңқы» аллеясын және Сұңқар» аула клубын ағымдағы жөндеуге бөлу мүмкіндігін қарастыру сынды ұсыныстар енгізілді, жоба пысықтауға қайтарылды.