"Салынып жатқан құрылыс жұмыстарының жай-күйі туралы" отырысты Қызылқоға ауданының Қоғамдық кеңесінің мүшелері өткізді

---

КЕҢЕЙТІЛГЕН ҚОҒАМДЫҚ КЕҢЕС ОТЫРЫСЫ

Қызылқоға ауданы әкімдігінің кіші мәжіліс залында кеңейтілген қоғамдық кеңес отырысы өтті.

Қоғамдық кеңес отырысында төмендегідей мәселелер қаралды:

1. Аудан бойынша салынып жатқан құрылыс жұмыстарының жай-күйі туралы (тұрғын үй , жол, басқа да әлеуметтік нысандар құрылыстарының барысы т.б.) аудандық құрылыс, сәулет және қала құрылысы бөлімінің басшысы Д.Нығметов және аудандық тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімінің басшысы К.Камаладенов баяндама жасады. Баяндамашыларға елді мекендерді ауызсумен жабдықтау кезінде мердігер мекемелерге ауыз су құбырын тұрғын үйлерге дейін жеткізіп беру; қабылданатын құрылыс нысандарына ауыл тұрғындары мен кеңес мүшелерін қатыстыру; Құрылысы баяу жүріп жатырған нысандарға жұмысшы тобын көбейту мәселелері бойынша ұсыныстары айтылды. Сонымен қатар, аудандағы жүргізіліп жатырған құрылыс нысандарының жұмыс күші, материалдық базасы, сапалы жасалуы бойынша қоғамдық бақылау жүргізген кеңес мүшелерінің қорытындысы негізінде Ж.Әбдіғали хабарлама жасап, әрбір нысан тұрғындар игілігі үшін жасалатынын, оның сапалы жасалуына бақылау жұмысын күшейту керектігі жөнінде ұсынысын жеткізді.

2. Мемлекеттік көрсетілетін қызметтер бойынша аудандық құрылыс, сәулет және қала құрылысы бөлімі бойынша 7 айда атқарылған жұмыстар және аудандық экономика және қаржы бөлімі бойынша «Ауылдық елді мекендерге жұмыс істеуге және тұруға келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға, ауылдар, кенттер, ауылдық округтер әкімдері аппаратының мемлекеттік қызметшілеріне әлеуметтік қолдау шаралары» туралы баяндады. Бюджеттік несие алған жас мамандардың тұрғын үйлерді тиімді пайдалануы, оларға бақылау жүргізу мәселелері көтерілді.

Кеңес отырысын қорытындылаған аудан әкімі Қанат Әзмұханов: «Жыл басында келіскендей, бірігіп азаматтық бақылауды күшейту және бір қалыпқа келтіруді ұсынған болатынмын. Бірігіп жұмыс жасаудың арқасында кеңес және мәслихат мүшелері мен бірлескен жұмыстар жүргізіліп жатыр, сондықтан алғысымды білдіремін. Бірлесіп шешкен шешім ешқашан кемшіл болмайды. Алдағы уақыттарда да сіздермен бірлесіп атқарылатын жұмыстарымыз оң нәтижелі болатынына толық сенімдімін» - деді.