Шыңғырлау ауданы Қоғамдық кеңесінің кезекті отырысы

---

Ағымдағы жылдың 7 тамыз күні Шыңғырлау аудандық Қоғамдық кеңес  отырысы  Серікбай Ермекұлының төрағалығымен өткізілді. 

Күн тәртібінде:

1."2023-2025 жылдарға арналған аудандық бюджет туралы" Шыңғырлау аудандық  маслихатының 2022 жылғы 23 желтоқсандағы №34-2 сессиясының шешіміне өзгерістер мен толықтырулар еңгізу туралы шешім жобасын қарау (баяндамашы:  аудандық экономика және қаржы бөлімі басшысының міндетін атқарушы Ернияз Есоразұлы),

2. "Шыңғырлау ауданы аумағында стационарлық емес сауда объектілерін орналастыру орындарын айқындау және бекіту туралы" қаулы жобасын қарап, сараптамалық қорытынды беру (баяндамашы: аудандық кәсіпкерлік және ауылшаруашылығы бөлімі басшысының міндетін атарушы Нұрлан Ысқақұлы), 

3. Ауылішілік жолдарға жүргізіліп жатырған күрделі жөндеу жұмыстары туралы, (баяндамашы: аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі басшысының міндетін атқарушы Ринат Асанұлы).

Аталған жиынға Қоғамдық кеңес мүшелері және Шыңғырлау аудан әкімінің орынбасары Дархан Ережепұлы, аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі басшысының міндетін атқарушы Ринат Асанұлы, аудандық экономика және қаржы бөлімі басшысының міндетін атқарушы Ернияз Есоразұлы,  аудандық кәсіпкерлік және ауылшаруашылығы бөлімі басшысының міндетін атарушы Нұрлан Ысқақұлы. “Шыңғырлаукомтехсервис” директорының міндетін атқарушы Болат Серікұлы, бұқаралық ақпарат құралдары өкілдері қатысты.