Әлеуметтік Кодекстің іске асырылу барысы туралы

---

Облыстық қоғамдық кеңестің мүшелері халықтың өмір сүру сапасын арттыру мәселелері жөніндегі комиссия отырысында әлеуметтік Кодекстің іске асырылу барысын, сондай-ақ оның ақпараттық ілгерілеуін қарады. Облыстың жұмыспен қамтуды үйлестіру және әлеуметтік бағдарламалар басқармасы басшысының орынбасарлары Гаухар Байтлесова мен Әлия Рахимова жаңа Қазақстанның жаңа әлеуметтік саясаты туралы айтып берді. Мемлекеттік қолдау, ең алдымен, салдарын жоюға емес, қиын өмірлік жағдайлардың алдын алуға бағытталған. Ең жаңа бағыт мемлекеттік әлеуметтік қызметтер көрсетудің бүгінгі таңда қолданылатын өтініш нысанынан оларды ұсынудың анықтау және проактивті форматына көшуді қамтамасыз ететін әлеуметтік саланы цифрландыру болып табылады. Бүгінгі таңда барлық мүдделі органдар «Отбасының цифрлық картасы» ақпараттық жүйесінде деректерді өзектендіру бойынша жұмыс жүргізуде. 1 жастан 6 жасқа дейінгі балаларға арналған мемлекеттік әлеуметтік жәрдемақы АӘК алушылардың отбасыларының ішінен жалпы сомасы 109,6 млн.теңгеге 4359 балаға монетизациялау және төлемдер жүргізілді. Ағымдағы жылдың 1 шілдесінен бастап мүгедектігі бар адамдар үшін күніне 2-ден 4 данаға дейінгі жөргектер саны ұлғайтылды. Отбасы мүшелеріне жеке көмекші ретінде рәсімдеу мүмкіндігі ұсынылады. Олардың еңбегі төленеді, әлеуметтік аударымдар жасалады, ал жұмыс кезеңі зейнетақы тағайындау кезіндегі еңбек өтіліне есептеледі. Облыстың ақпарат және қоғамдық даму басқармасының жауапты маманы Абдрахманова Динарамен әлеуметтік кодекстің ақпараттық ілгерілету мүмкіндіктері туралы талқыланды. Қоғамдық кеңес мүшелері Науразбаева Гүлбарам, Абдраманова Света, Заут Болат, Файзулин Болат, Петрусева Юлия жастар практикасына, бірінші жұмыс орны мен күміс жасына Бюджеттік өтінімді ұлғайту, қоғамдық жұмыстарды, әлеуметтік жұмыс орындарын ұйымдастыру, NEET санатындағы жастармен жұмыстарды ұйымдастыру Ережелеріне өзгерістер енгізу туралы өз ұсыныстарын білдірді.