Сәтбаев қаласын 2023-2024 жылғы жылу беру маусымына әзірлеу барысына қоғамдық бақылау жалғасуда.

---

Қаланы  2023-2024  жылғы жылу беру маусымына әзірлеу барысына қоғамдық бақылау жалғасуда. Қоғамдық кеңес мүшелері мен қалалық мәслихат депутаттары 11 тамызда № 1 жылу станциясында болып, ондағы атқарылған жұмыстар көлемін тағы бақылады.  Станса бастығы Д. Қаршығанов, бас инженердің м.а. В.Лазарев және ТКШ бөлімі басшысының орынбасары Ә.Мұхамбеталі тиісті түсініктемелер берді. Бүгінгі күні №1 және №2 су жылыту қазандықтарын ағымдағы жөндеу аяқталды, №4 су жылыту қазандығын ағымдағы жөндеу аяқталуға жақын, №3 су жылыту қазандығын күрделі жөндеу ағымдағы жылдың 10 қазанына дейін аяқталады, қазандықтың химиялық су тазарту жабдығы пайдалануға дайын, сонымен қатар газ құбырлары мен күл шығару арналарын тазарту жұмыстары аяқталған. Жылуды жоғалтуды болдырмау мақсатында оңтүстік-батыс қазандықтан тартылған желіні оқшаулау бойынша жұмыстар екі кезеңде жүргізілетін болады. Жұмыс тобы орындалатын жұмыстар кестесінің сақталуына және олардың сапасына, бұрын анықталған ескертулердің жойылуына назар аударды. Жұмыс кестесінен ауытқушылық анықталған жоқ, объектіде 75 адам екі ауысыммен жұмыс істейді, қажетті жабдықтармен және материалдармен толық қамтамасыз етілген. 10 тамызға көмір қоры 143 362,4 тоннаны, мазут қоры 586,15 тонанны құрап отыр, жылыту маусымының басында бұл көрсеткіш жоспар бойынша сәйкесінше  359 614,6 тоннаны және 2360,0 тоннаны құрауы тиіс.