Ағымдағы жылдың 24 тамызында Батыс Қазақстан облысы Бөрлі ауданының Қоғамдық кеңес отырысы өтті

---

Бүгін Бөрлі ауданының Қоғамдық кеңес отырысы А.М.Бектургановтың төрағалығымен өтті. Кеңес отырысына мәслихат төрағасы К.Т.Ермекбаев, Мемлекеттік қызмет істері агенттігінің БҚО бойынша департаментінің мемлекеттік көрсетілетін қызметтер басқармасының басшысы Б.С.Ибрашев (онлайн), аудан әкімінің орынбасары А.С.Тукжанов, аудан әкімі аппаратының басшысы, бөлім басшылары, қала, ауылдық округ әкімдері, кеңес мүшелері мен бұқаралық ақпарат құралдары өкілдері қатысты.

Қоғамдық кеңестің отырысында "Бөрлі ауданы бойынша мемлекеттік қызмет көрсету сапасы туралы" Мемлекеттік қызмет істері агенттігінің БҚО бойынша департаментінің мемлекеттік көрсетілетін қызметтер басқармасының басшысы Бауыржан Сагидоллаұлы Ибрашев баяндама жасады.

Жұмыспен қамту және әлеуметтік бағдарламалар бөлімі көрсететін мемлекеттік қызметтері туралы мәселесі бойынша аудандық жұмыспен қамту және әлеуметтік бағдарламалар бөлімінің басшысы О.М.Басимова таныстырып, кеңес мүшелері тарапынан қойылған сұрақтарға жауап берді. Сонымен қатар, «Бөрлі ауданының әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау қағидаларын бекіту туралы» аудандық мәслихаттың шешім жобасы және "Бөрлі аудандық мәслихатының 2014 жылғы 19 желтоқсандағы №23-4 "Мүгедектер қатарындағы кемтар балаларды жеке оқыту жоспары бойынша үйде оқытуға жұмсаған шығындарын өндіріп алу тәртібі мен мөлшерін айқындау туралы» шешіміне өзгерістер енгізу туралы" шешім жобаларын бекітуге ұсынды. 

Күн тәртібіндегі "Бөрлі ауданы бойынша заңдылықты қамтамасыз ету және адам мен азаматтың құқықтарын және бостандықтарын сақтау мәселелері бойынша " Бөрлі аудандық полиция бөлімі басшысының орынбасары, полиция подполковнигі Маралбек Бейсенғалиұлы Ажбаев баяндады.Кеңес мүшелері аудандық полиция бөліміне жекелеген сұрақтарын қойып, жауаптарын алды. 

Сонымен қатар, Бөрлі аудандық мәслихат аппаратының басшысы Б.Б.Мукашева Қоғамдық кеңес мүшелерінің назарына мәслихаттың кейбір шешімдерінің күші жойылды деп тану туралы шешім жобасын ұсынды.