Қоғамдық кеңестің кезекті отырысы (23.08.2023 ж.)

---

Сәтбаев қаласының Қоғамдық кеңесінің кезекті отырысы а.ж. 23 тамызыда қала әкімінің орынбасары Т.А.Айтжановтың, мемлекеттік мекемелердің қызмет көрсететін кәсіпорындардың ПИК және МИБ өкілдерінің қатысуымен өтті. Қоғамдық кеңес мүшелері   «Тұрғын үй қорының сақталуын қамтамасыз ету және көрсетiлетiн тұрғын үй-коммуналдық қызметтердiң сапасын арттыру жөнiнде қабылданатын шаралар туралы» мәселені қарады.

«Сәтбаев қаласының тұрғын үй инспекциясы бөлімі» ММ басшысы Ж.С. Сейлованың бөліммен және қызмет көрсететін кәсіпорындармен көрсетілетін тұрғын үй-коммуналдық қызметтердің сапасын жақсарту бойынша жүргізіп жатқан жұмыстары туралы баяндамасы тыңдалды. Бөлім көпқабатты тұрғын үйлерді жылыту маусымына дайындау бойынша жұмыс жүргізуде, қазіргі уақытта үйлердің 30 % - ы дайындық актілерін алған және бұл жұмыс а.ж.20 қыркүйегіне дейін аяқталады. Бұл мәселе апта сайын қала әкімінің төрағалығымен қалалық штабта қаралады. Ренновация бағдарламасы бойынша апатты және ескі үйлердің тұрғындарын көшіру мәселесін шешу үшін бөліммен инвесторларды тарту бойынша жұмыстары жүргізілуде және Астана қаласының «NS Construction KZ» инвесторы Гурба көшесі 4, 6 және 89 үйлерінің тұрғындарымен келіссөздер жүргізілуде. Биыл қалалық бюджет қаражатынан 10 көпқабатты тұрғын үйдің шатырына жөндеу жұмыстары жүргізілуде, бұл жұмыс келесі жылы да жалғасатын болады.

Қоғамдық кеңес мүшелері Ө.Б.Құдаспаев А.М. Тұрлыбек., А. Т.Мулаков және ПИК және МИБ шақырылған төрағалары өз ұсыныстары мен ескертулерін айтты, оларға қала әкімінің орынбасары Т. Айтжанов, «СЖСЖК» ЖШС директоры Е.Тоқымбаев және «Kazakhmys Distribution» «ЭЖК» техникалық директоры Х. Игебаев жауап берді.

Күн тәртібіндегі мәселені қарау қорытындысы бойынша Қоғамдық кеңестің тиісті ұсынымдары қабылданды.