Қобда аудандық Қоғамдық кеңесінің 2023 жылғы 8 маусымдағы отырысы

---

Ағымдағы жылдың 8 маусымында аудандық Қоғамдық Кеңес отырысында аудан мектептерінде білім сапасын және тәрбие жұмысы деңгейін көтеру бағытында атқарылып жатқан жұмыстар туралы, Қобда ауылын абаттандыру-көгалдандыру бағытында атқарылып жатқан жұмыстар туралы, сонымен қатар жолаушы тасымалы бойынша жұмыстар және негізсіз баға өсірмеу туралы сұрақтар қаралды.
Кеңес мүшелері тарапынан халықтың атынан туындаған бірқатар сұрақтар қойылды. Білім сапасына аса мән беруді ұсына отырып, балалардың кітапқа деген ынтасын арттыру мақсатында бірқатар ұсыныстар айтылды. Сонымен қатар жолаушы тасымалы бойынша жұмыстарға қатаң қарауды ұсынды.