Қобда аудандық Қоғамдық кеңесінің 2023 жылғы 17 тамыздағы отырысы

---

Ағымдағы жылдың 17 тамызында аудандық Қоғамдық кеңестің кезекті отырысы өтті. Күн тәртібіне сәйкес полиция бөлімінің құқықтық тәртіпті нығайту, құқық бұзушылықтың алдын алу, қылмысты болдырмау бағытында атқарған жұмысы туралы жергілікті полиция қызметі бөлімшесінің бастығы, полиция майоры Б. Жумагулов баяндады. Мемлекеттік көрсетілетін қызметтер туралы аудан әкімі аппаратының құжаттамалық қамтамасыз ету және мемлекеттік қызметтер көрсету мәселелерін үйлестіру бөлімінің бас маманы А. Туреев сөз кезегін алды. Үшінші тақырып бойынша аудандық мәдениет және тілдерді дамыту бөлімінің басшысы А. Жұмағұлова осы салада атқарылған және алдағы уақытта жоспарланған жұмыстар жөнінде баяндама жасады.
Кеңес мүшелері тарапынан бірқатар сұрақтар көтеріліп, ұсыныстар айтылды.Отырыс соңында кеңес хатшысы А. Қабақбаева 8 маусымдағы кеңес отырысының №4 хаттама негізінде ұсынылған тапсырмалар бойынша ақпарат беріп өтті.