Ақтөбе облысының әкімі Е.Тоғжановтың есебі

---

Конституция күні қарсаңында облыс әкімі Ералы Лұқпанұлы Тоғжанов облыстық қоғамдық кеңес мүшелері, облыстық мәслихат депутаттары, басқарма, департаменттердің басшылары алдында 2022-2023ж.ж. бойынша есеп берді.

    Ақтөбе облысының әлеуметтік-экономикалық дамуы бойынша облыс әкімі бір жыл ішінде орындалған жұмыстарға  нақты сандық көрсеткіштермен  талдау жасады. Қарастырылған мәселелердің  өте маңызды, облыста өзекті, шешімі күттірмейтін күрделі істер. Атап айтсақ облыстағы жолдар мәселесі бойынша Ақтөбе-Қандыағаш тас жолы құрылысының 2024 жылы аяқталатыны, биылғы жылы 80 %-ы орындалғаны, Ақтөбе-Ұлғайсын 4 жолақты тас жолын (262 ш) салу, 1-санатқа көшіру, Қандыағаш-Шалқар (259 ш) тас жолын салу, 65,5 шақырымдық қала іші автожолдарын, аула іші жолдарын салу және жөндеу  барысы жөнінде ақпарат берілді.   Облыс халқына медициналық қызмет көрсету, білім беру, тұрғын үймен қамтамасыз ету мәселелерінде де оң өзгерістерге қалада алты қабатты үй құрылысы аяқталуы, Батыс-2 шағын ауданында 3500 бала оқытатын замануи үлгідегі мектептің биылғы оқу жылы іске қосылуы, оқытушы кадрларды қызметке онлайн арқылы қабылдау, Қ.Жұбанов ат. Университетте HERIOT-WATT Англия мемлекеті университеті филиалының ашылуы, білім қуып, шетел асып кететін жастарымыздың үш мамандық бойынша ел ішінде жүріп-ақ шетелдік оқу-орнынан білім алу мүмкіндігінің туғандығы, Орхун медикал медициналық орталығының ашылуы, т.б. жаңалықтар облыс дамуының оң көрсеткіші болып табылады.          Сонымен қатар, халықты жұмыспен қамту, шағын, орта бизнесті дамытуда жақсы ойластырылып, осы жылы қомақты нәтижеге жеткізіп отырған «Ауыл аманаты», «Ауыл-ел бесігі» атты жаңа жобалардың тек біздің облыста ғана старт алғандығын, және де бұл озық идеялар облыс әкімі Ералы Лұқпанұлының тікелей шығармашылығы екендігін де баса айту қажет. Қарапайым халыққа тауарлық несие беріп, бизнес ашып, жұмыс істеп, өз қаражатын табу жолдары ұсынылды.       Ақтөбе облысының республикалық орталық болып танылуы, облыстағы жаңа жобалар және жоба нәтижері бойынша қол жеткізген табыстар арқылы өзге облыстарға үлгі болғанын атап өтті.