Қоғамдық кеңес отырысы өткізілді

---

Ағымдағы жылдың 12 қыркүйек күні "AMANAT" партиясы ғимаратында Шыңғырлау аудандық Қоғамдық кеңес отырысы өткізілді. Кеңесте Серікбай Ермекұлы төрағалық етті.
Күн тәртібінде 2024 жылғы "АУЫЛ ЕЛ БЕСІГІ" атты жоба аясында атқарылған жұмыстар туралы (Баяндамашылар: аудандық мәдениет, тілдерді дамыту, дене шынықтыру және спорт бөлімінің басшысы Олжас Нұрланұлы, аудандық ТҮКШ және АЖ бөлімінің басшысы Темірхан Сабырғалиұлы, аудандық сәулет,қала құрылысы және құрылыс бөлімінің басшысы Мұрат Қайыржанұлы), ауданының құрметті азаматы атағын беру туралы (Баяндамашы: аудан әкімі аппаратының басшысы Темірболат Мұхитұлы), "Шыңғырлау ауданының әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау қағидаларын бекіту туралы" шешім жобасын қарау (Баяндамашы: аудандық жұмыспен қамту әлеуметтік бағдарламалар бөлімінің басшысы Саян Қуанышұлы) баяндамалары тыңдалды. Аталған жиынға аудан әкімінің орынбасары Дархан Ережепұлы,  аудан әкімі аппаратының басшысы Темірболат Мұхитұлы және бөлім басшылары, аудандық депутаттар  және  баспасөз құралдары өкілдері қатысты.