Тараз қалалық Қоғамдық кеңестің ұйымдастыруымен қоғамдық тыңдау өтеді

---

Тараз қалалық Қоғамдық кеңестің ұйымдастыруымен, 2023 жылдың  26 қыркүйегі, сағат 10-00-де Жамбыл облысы әкімдігінің ішкі саясат басқармасының «Қоғамдық келісім» ғимаратының  (Тараз қаласы, Төле би даңғылы, 23б) үлкен мәжіліс залында «Қала аумағында қоршаған ортаны қорғаудың, атмосфералық ауаның жай-күйі, оның сапасын ҚР Экологиялық кодексі талаптарына сәйкес жақсарту мәселелері туралы» бойынша  қоғамдық тыңдау өткізілмек.

         Осыған орай, Қоғамдық кеңес мүшелері бас қосып, өзара ақылдаса, қызу талқылай отырып, тақырыпқа сай зерделеу жұмыстарын жүргізу шараларын жоспарлады, мониторингтік топтар құрды.

         Әр топ, Тараз қаласы мен оның төңірегіндегі орын алған экологиялық зардаптардың түрлеріне қарай өз жұмыс бағдарларын бөлісті және күн кешіктірмей әрекеттерін бастап кетті.

         Кеңес мүшелерінің қорытынды сараптамаларының жиынтық нәтижесімен жоғарыда келтірілген мерзім мен орында әрбір азамат таныса алады.