Қала әкімі Азамат Бекет қалалық мәслихат депутаттары мен қоғамдық кеңес өкілдеріне шаһарда жыл басынан атқарылып жатқан жұмыстар мен жоспарлар туралы баяндады.

---

🔹Қала әкімі Азамат Бекет қалалық мәслихат депутаттары мен қоғамдық кеңес өкілдеріне шаһарда жыл басынан атқарылып жатқан жұмыстар мен жоспарлар туралы баяндады.
Қаланың ең негізгі шешімін күткен мәселелерінің бірі - Инженерлік-коммуникациялық инфрақұрылыммен қамту. Қала басшысы өз сөзінде бұл бағытқа кеңінен тоқтады. Биылғы жылдың қорытындысы бойынша:
​324,1 км электржелілері (Жанаауыл-1, Бауырластар-5, Жаңақоныс-3, СМП-555 БАМ т/а) тартылды. Сонымен қатар, бүгінге РП-10 кВ «Шығыс» және «Рауан» резервтік қосалқы станцияларының құрылысы толығымен аяқталды. Батыс-3 шағын ауданының электржелілернің құрылысы жүргізілуде.
195,2 км газ желілерді
(Жаңаауыл-1, 2, 3, Шығыс-1, 2, Баянауыл-1, 2, Сарбаз, Жаңақоныс-3 т/а), 162,3 су желілерін (Шиелісай-1, 2, Бекқұл баба, Магаджан т/а) пайдалануға беру жоспарлануда.
​Сондай-ақ, биыл Батыс-3 шағын ауданының су құбыры желілерінің құрылысы және жоғарғы Қарғалы су алғышынан Төменгі Қарғалыға дейінгі су құбырын қайта жаңғыртудың ауқымды жобасы басталды.
Жылдың соңына дейін 2020 жылдан бастап Ақтөбе қаласындағы су тапшылығын жою мақсатында Елек су тартқышын кеңейту жобасының аяқталуы жоспарлануда.
«Сонымен қатар, 2023 жылы тұрғын үй алаптарын инженерлік желілермен қамтамасыз ету мақсатында 28 жобалық-сметалық құжаттамалар әзірленуде. Аталған жобаларды жыл соңына дейін толық аяқтап, мемлекеттік сараптаманың оң нәтижесін алу жоспарланып отыр», - деді қала әкімі.

Қалада қоғамдық көлік мәселесі жүйелі шешімін тапты деуге болады. Бүгінгі таңда жолаушылар тасымалын 46 бағыт бойынша 4 кәсіпорын жүзеге асырады: «Автопарк» ЖШС, «Қала транс» ЖШС, «Ақжайық Автопарк» ЖШС, «Табыс» ЖШС. Олардың күнделікті қатынау саны 355 жуық автобус.
Биылғы жылы 112 автобус сатып алынды («Автопарк» ЖШС - 12; «Qala Trans» ЖШС – 100).
Өздеріңіз білетіндей, сыйымдылығы үлкен жаңа автобустар ауа баптағышпен және жылыту жүйесімен жабдықталған, ерекше қажеттіліктері бар адамдар үшін талаптарға бейімделген.
Кейбір маршруттарда автобустардың күту уақыты қысқарып, кейбір маршруттар түнгі уақытқа дейін жүреді. Барлық маршруттар электронды билеттеу жүйесімен және GPS-трекерлермен жабдықталған.