"Т.Жүргенов және түркі рухани бірегейлігі" республикалық ғылыми-практикалық конференция

---

Алаш қайраткері, біртуар тарихи тұлға Т.Жүргеновтің 125 жылдығына "Т.Жүргенов және Түркі әлемінің рухани бірегейлігі" тақырыбында өткен республикалық ғылыми-практикалық конференциясына Ақтөбе облыстық қоғамдық кеңес мүшелері, қоғам қайраткерлері тарихшылар, зерттеушілер қатысты.Конференция қонақтары:Т.Жүргеновтің туыстары, .Ұзақбай Құлымбетовтің қызы, қоғам қайраткері Орынша Құлымбетова-Қарабалина, Бауыржан Момышұлының келіні, белгілі қоғам қайраткері Зейнеп Ахметова сөз сөйлеп, Қазақстан тарихындағы қасіретті кезеңдерге тоқталды.Конференция модераторы Облыстық қоғамдық кеңестің комиссия төрағасы Б. Мырзабай:

"Тоталитаризм қазақ зиялы қауым өкілдерінің түбіне жетті. Т.Жүргеновтей үш мемлекетте нарком болған адам жоқ.Жүргенов әлемінде әлі зерттелетін мәселе көп. Музей ашып, барлық жиналған фото, құжаттарды қойып, оның мұрасы, оны айғақтайтын құжаттар жинақталуы керек.Т.Жүргенов-мемлекетшіл, қазақ үшін туып,сол жолда басын құрбан қылған қазақтың адал ұлы, тарихи тұлға" деп атап өтті "Т.Жүргеновтің қоғамдық қоры" төрағасы С.Ансатов, О.Құлымбетова-Қарабалина, Ұ.Құлымбетова пен Т. Жүргеновтің ел үшін арнаған ғұмырын ұлықтауда Қоғамдық кеңес мүшесі Б. Мырзабайдың қызметін ерекше атап өтіп, алғысын білдірді.