Хромтау ауданындағы жұмыс барысы

---

Ағымдағы жылдың 21 қыркүйегінде Ақтөбе облысының Қоғамдық кеңесінің мүшелері іс-сапармен Хромтау ауданына барып, аудандық әкімдіктің өкілдерімен, денсаулық сақтау, мәдениет, ауылшаруашылық, спорт, тұрғын-үй коммуналдық шаруашылығы, кәсіпкерлік бөлімдерінің және білім беру ұйымдарының басшыларымен кездесіп, әлеуметтік объектілерді аралады. Жұмыс сапары барысында әлеуметтік-мәдени даму, білім беру және денсаулық сақтау төңірегіндегі сұрақтар талқыланды. Сонымен қатар, аудан жұртшылығына «Ауыл аманаты», «Дара бала» мемлекеттік бағдарламаларын іске асырылуы жөнінде баяндап, аудан жұртшылығының әлеуметтік жағдайының мәселелері бойынша кездесулер, қоғамдық қабылдаулар жүргізді. Кеңес мүшелері әлеуметтік орындарды аралау барысында, ауданда орналасқан мектептен тыс білім беру орталығына бас сұғып, қызметкерлерімен сұхбаттасып, орталықтың жұмысымен танысты. Қоғамдық кеңес - жоғарыда аталған бағыттар бойынша өзге өңірлерде де жұмыстарды жалғастыратын болады.