Түркістан облысы Төлеби аудандық Қоғамдық кеңесінің кезекті отырысы

---

Төлеби аудандық Қоғамдық кеңестің төрағасы Б.Оралбеков төрағалық еткен жиынға аудан әкімінің орынбасары Л.Серікбаев және тиісті бөлім, мекеме басшылары қатысты. Күн тәртібінде 5 мәселе қаралды.

1 - мәселе бойынша Төлеби аудандық ақпараттандыру және мемлекеттік қызмет көрсету бөлімінің бас маманы Ж.Шохатов, Төлеби ауданы әкімдігіне қарасты қала, ауылдық округ әкімдерінің аппараттары және дербес бөлімдерінің 2023 жылдың 2-тоқсан бойынша мемлекеттік қызмет көрсету саласында атқарылып жатқан жұмыстардың қорытындысы туралы хабарлама жасады.

 2 - мәселе бойынша Төлеби аудандық жұмыспен қамту және әлеуметтік

бағдарламалар бөлімінің бас маманы Аягөз Сүлейменқызы, «Мүгедектер үшін жұмыс орындарына квота белгілеу туралы» Төлеби ауданы әкімінің 2020 жылғы 9 желтоқсандағы №417 қаулысының күшін жою туралы және Төлеби ауданы әкімдігінің 2022 жылғы 01 желтоқсандағы №594 қаулысының күшін жою туралы хабарлама жасап, келісім беруді сұрады. Кеңес мүшелері бірауыздан оң қорытынды келісімдерін берді.

3 - мәселе бойынша Төлеби аудандық мемлекеттік кірістер басқарма басшысы С.Ердыкаликов, Төлеби аудандық мемлекеттік кірістер басқармасы тарапынан аудан тұрғындарына көрсетіліп жатқан қызмет түрлері мен сапасы және сыбайлас жемқорлықты алдын алу мақсатында атқарылып жатқан жұмыстардың барысы туралы баяндама жасады. Қосымша кеңестің комиссия төрағасы О.Кадиров осы мәселені зерделеп, танысқандығы бойынша хабарлама жасады. О.Кадиров кеңес мүшелерінің ұсыныс, ой-пікірлерін ескере келе шешім жобасын оқыды, кеңес мүшелері қабылдады.

4 - мәселе бойынша кеңестің комиссия төрағасы Ә.Әбдіхалықов аудандағы мемлекеттік мекемелердің қысқы жылыту маусымына даярлық жұмыстардың барысы туралы баяндады. Қосымша аудандық тұрғын үй-коммуналдық шаруашылық жолаушылар көлігі және автомобиль жолдары бөлімінің басшысы С.Қалдыбаев хабарлама жасады. Комиссия мүшелері бірқатар білім беру мекемелерін, мәдениет үйлері мен клубтардың және аурухана мен ФАП-дың қысқы маусымға даярлық жұмыстарын зерделеп, мониторинг жүргізу нәтижесінде газға қосу жоспарланған 6 мектепте бүгінгі күнге дейін тиісті жұмыстар жүргізілмегендігін және көмір түсірілмегендігін айтты. Сонымен қатар Зағамбар ауылы Аль-Фараби атындағы жалпы орта мектебінің жылыту қазандығы мен электр энергия мәселесі өте қауіпті жағдайда екендігін көтерді. Мектеп директорына тез арада күрделенген мәселені шешуге талап ұсыныстарын жасады.            

5 - мәселе бойынша кеңес мүшесі Т.Тастанов Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына 2023 жылғы 1 кыркүйектегі жолдауын оқып, таныстырды.  Қосымша кеңес мүшелері А.Оспанқұлов пен Ғ.Мырзалы жолдаудың маңыздылығын түсіндіріп, қолдауға шақырды. Кеңес мүшелері бірауыздан жолдауды қолдады.