2023 жылғы аудандық бюджет нақтылауы

---

Павлодар ауданының Қоғамдық кеңесінің кезекті отырысында "2023-2025 жылдарға арналған Павлодар аудандық бюджеті туралы "№ 32/183 шешіміне өзгерістер енгізу туралы"мәселе қаралды.

Аудандық бюджеттің нақтылануы туралы экономика және бюджеттік жоспарлау бөлімінің басшысы Ж. Ж. Рахимбердина хабарлады.

Экономика және бюджеттік жоспарлау бөлімі Павлодар ауданы бойынша Мемлекеттік кірістер басқармасымен бірлесіп бюджеттің кіріс бөлігіне талдау жасады: өткен кезеңде түсімдер 68025 мың теңге сомасына ұлғайтылды, Мемлекеттік сатып алу бойынша 28123 мың теңге сомасында үнемдеу жүргізілді. Бұл қаражатты сорғы және тазарту станцияларының (19 сорғы станциясы) үздіксіз жұмысын ұйымдастыруға, оның ішінде электр энергиясы үшін тарифтің 20,6%-ға ұлғаюына, күзгі-қысқы кезеңге дайындық шеңберінде жөндеу жұмыстарын жүргізуге, жылу маусымына дайындық шеңберінде бюджеттік ұйымдарды және коммуналдық тұрғын үйлерді жылумен жабдықтауды қамтамасыз етуге бағыттау ұсынылды (жылыту маусымының 3 айына көмір сатып алу); Достық, Аққұдық, Қарағөл, Богдановка ауылдарына кіреберістерді орташа жөндеу жобалары бойынша техникалық құжаттамаға ведомстволық сараптама жүргізу, Қаратоғай ауылына кіреберіс жолына орташа жөндеу жүргізу; облыс әкімінің орынбасары С. Б. Батыргужиновтың 2023 жылғы 17 ақпандағы хаттамалық тапсырмасы негізінде Павлодар ауданының коммуналдық қалдықтарын басқару жөніндегі Бағдарламаны әзірлеу және басқа да мақсаттар.

Енгізілетін өзгерістерді ескере отырып, нақтыланған аудандық бюджеттің көлемі 5 220,9 млн.теңгені құрайды, оның ішінде жоғары тұрған бюджеттен берілетін нысаналы трансферттер – 2 348,2 млн. теңге.

Сондай-ақ, кеңес отырысында Павлодар ауданының ауылдық окрутерінің аумағында бөлек жергілікті қоғамдастық жиындарын өткізу және жергілікті қоғамдастық жиынына қатысу үшін ауыл тұрғындары өкілдерінің санын анықтау ережелері талқыланды.

Қаралған мәселелер бойынша Қоғамдық кеңестің ұсынымдары қабылданды.