Павлодар ауданында дене шынықтыру мен спортты дамыту туралы

---

Аудан әкімі Н.В. Дычконың қатысуымен өткен Қоғамдық кеңестің отырысында Павлодар ауданында дене шынықтыру мен спорттың жай-күйі мен дамуы туралы мәселе талқыланды.

Дене шынықтыру мен спортты дамыту бойынша жүргізіліп жатқан жұмыстар туралы ішкі саясат, мәдениет, тілдерді дамыту және спорт бөлімінің спорт секторының басшысы Қ. Ж. Айтзаева хабардар етті.

Павлодар ауданында 64 спорт ғимараты, оның ішінде 4 спорт кешені, 34 спорт залы (26-білім беру мекемелерінде), 8 күрес залы, 4 хоккей корты, 14 футбол шағын алаңы бар. Барлық нысандар қанағаттанарлық жағдайда. Тұрақты негізде ауданда дене шынықтыру және спортпен 9510 адам немесе халықтың 37,3% айналысады.

Ауданда 1-ші жартыжылдықта 1916 қатысушыны қамтитын 43 іс-шара өткізілді. Сондай-ақ, дәстүрлі түрде аудан спортшылары Олимпиадалық, ұлттық және халықтық спорт түрлері бойынша XXVІ облыстық кешенді спартакиадаға қатысты. Әйелдер арасындағы волейбол, дойбы, футболдан командалар 1 орынды, үстел теннисінен – 2 орынды, волейболдан ерлер командалары арасында – 3 орынды иеленді.

Соған қарамастан, талқылау барысында спортты дамыту бойынша жағдай қанағаттанарлықсыз болып қалғаны атап өтілді, Павлодар ауданы облыстық спартакиада қорытындысы бойынша 9-орынды иеленді. Отырыста әр спорт түрі бойынша жағдайды талдап, спорт түрлерін дамыту бойынша өз пікірін спортшылар, спорт нұсқаушылары, Қоғамдық кеңес мүшелері білдірді.

Жалпы, спортты дамыту мәселесін талқылауды қорытындылай келе, ауданда спорттың нашар дамуының негізгі себептерінің бірі аудандық спартакиаданы өткізу емес, оның қорытындысы бойынша облыстық олимпиадаға қатысушылар мен командалар іріктелетін болады деген ортақ пікірге келді. Білім беру мекемелері облыстық деңгейге көшкеннен кейін мектеп дене шынықтыру мұғалімдерінің спорт нұсқаушыларымен байланысы үзілді. Спортшылар жекелеген спорт түрлері бойынша аудан әкімінің кубогына жарыстар өткізуді ұсынды.

Аудан әкімі Н.В. Дычко отырысқа қатысушылардың көптеген сұрақтарына жауап берді, спортты дамыту, спорттық жарысты өткізу бойынша күнтізбелік жоспар әзірленетінін, онда талқылау барысында айтылған ұсыныстар ескерілетінін атап өтті.