2023-2024 жылдарға арналған жайылымдапрды басқару және оларды пайдалану жоспары талқыланды

---

   Қоғамдық кеңестің отырысында 2022 жылға арналған аудандық бюджетті нақтылау мәселесі қаралды. Экономика және бюджеттік жоспарлау бөлімі бюджеттің кіріс бөлігін талдау және қалыптасқан үнемдеу негізінде мемлекеттік сатып алу қорытындылары бойынша аудандық бюджеттің кіріс бөлігін 83633 мың теңгеге ұлғайтуды ұсынды. Бұл қаражатты Маралды ауылында су құбыры мен су құбыры құрылыстарын салуға, Богдановка, Бірлік, Қаракөл және Аққұдық ауылдарына кірме жолдарды жөндеуге жобалық сметалық құжаттама әзірлеуге бағыттау көзделіп отыр. Бұдан басқа, ведомстволық сараптаманың болмауына байланысты Бірлік ауылындағы жолды жөндеуге жоспарланған қаражатты Заозерное ауылындағы жолды жөндеуге қайта бағыттау ұсынылды.

   Сондай-ақ, кеңес отырысында жайылымдарды басқару және оларды пайдалану жөніндегі 2023-2024 жылдарға арналған жоспар талқыланды. Жер қатынастары бөлімінің басшысы Х.Оразбеков Кеңес мүшелерінің, атап айтқанда, жерді қайтару жөніндегі сұрақтарына жауап берді. Биылғы жылдың 5 айында 6000 гектар егістік жер қайтарылды, жыл соңына дейін барлығы 15000 гектар жерді қайтару жоспарлануда.

  Барлық қарастырылған мәселелер бойынша ұсыныстар берілді. Аудандық бюджетті нақтылау жөніндегі жобалар мен жайылымдарды басқару және оларды пайдалану жөніндегі жоспар аудандық мәслихат сессиясында қарау үшін ұсынылды.

  Сонымен қатар, жер қатынастары бөліміне Григорьев ауылдық округінің тұрғындарын жайылыммен қамтамасыз ету бойынша жүргізіліп жатқан жұмыстар туралы ақпарат беру ұсынылды