ИНДЕР АУДАНДЫҚ ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ

---

2023 жылғы 28 қыркүйек күні аудандық Қоғамдық кеңестің отырысы өтті 

         Қоғамдық кеңестің отырысына аудан әкімінің орынбасары, тиісті бөлім басшылары қатынасты.

         Кеңес отырысын аудандық Қоғамдық кеңестің төрағасы А.Балахметов ашып, жүргізді.

     Кеңес отырысында  «Аудан тұрғындарының рухани мәдениетін көтеру мақсатындағы іс шаралар туралы», «Аудан бойынша үйірмелердің тиімділігін арттыру мен насихат жұмыстары туралы» аудандық мәдениет, тілдерді дамыту, денешынықтыру және спорт бөлімінің басшысы Ж.Тілепқалиеваның, «Индер ауданының жергілікті атқарушы органдарымен көрсетілетін мемлекеттік қызметтердің сапасы мен проблемалық мәселелері, оның шешілу жолдары мен сыбайлас жемқорлыққа қарсы іс-шаралар туралы» аудан әкімі аппаратының мемлекеттік құқық, төтенше жағдайлар және мемлекеттік қызмет көрсету сапасын бақылау бөлімінің басшысы Н.Сағынғалиевтің баяндамалары, «Индер ауданы әкімі аппаратында және кейбір дербес бөлімдерде сыбайлас жемқорлық тәуекелдеріне ішкі талдау жүргізу нәтижелері бойынша» аудан әкімі аппаратының мемлекеттік құқық, төтенше жағдайлар және мемлекеттік қызмет көрсету сапасын бақылау бөлімінің бас маман – заңгері А.Каукенованың хабарламасы талқыланып, ұсыныстар берілді.