Жер қатынастары саласындағы сыбайлас жемқорлық тәуекелдері туралы

---

Облыстық қоғамдық кеңес төралқасының отырысына ҚР Сыбайлас жемқорлыққа қарсы іс-қимыл агенттігінің Павлодар облысы бойынша департаменті превенция басқармасының басшысы М. Абдрахмановтың және осы басқарманың аға офицері Д. Хайбулиннің жергілікті атқару органдарының жер қатынастары саласындағы қызметінде сыбайлас жемқорлық тәуекелдеріне жүргізілген сыртқы талдау туралы ақпараттары тыңдалды. Отырыс жұмысына облыс жер қатынастары басқармасының басшысы М. Хамитов, ҚР АШМ ЖРБК Павлодар облысы бойынша Жер ресурстарын басқару департаменті басшысының орынбасары Б. Мидиу, әкімдер орынбасарлары және қалалар мен аудандардың жер қатынастары бөлімдерінің басшылары қатысып, қоғамдық кеңес мүшелерінің сұрақтарына жауап берді. Қоғамдық кеңес мүшелері сұрақтар қойып, өз ұсыныстарын енгізді. Өткізілген отырыс қорытындылары бойынша жауапты басқармаларға, департаменттерге, қалалар мен аудандар әкімдіктеріне ұсынымдар берілді.