Сәтбаев қаласының Қоғамдық кеңесінің кезекті отырысы (04.10.2023 ж.)

---

Кеңес отырысында «Қоғамдық кеңестер туралы» ҚР Заңына (5-бап, 1-тармақ, 13-тармақша) сәйкес Сәтбаев қаласы полиция бөлімінің орынбасары Ж.С.Жандилдиннің «Сәтбаев қаласында заңдылықты қамтамасыз ету, адам мен азаматтың құқықтарын және бостандықтарын сақтау мәселелері» бойынша ақпараты тыңдалды.  Бөліммен әкімшілік және қылмыстық құқық бұзушылықтар жасауға ықпал ететін себептер мен жағдайларды анықтауға, зерделеуге және жоюға бағытталған іс-шаралар кешені жүзеге асырылады. Нәтижесінде ағымдағы жылы қалада тіркелген құқық бұзушылықтар саны 22,7%-ға азайған. Сондай-ақ, ол бөлімнің әкімшілік және қылмыстық құқық бұзушылықтардың алдын алу және  көші-қон қызметінің жұмыстарын атап өтті. Сонымен бірге бөлім жұмысында проблемалық мәселелер де бар: кәсіби кадрлардың жетіспеушілігі; қаланың «төменгi бөлiгiнде» бейнебақылау камераларының жеткiлiксiздiгi, жедел басқару орталығының болмауы.               

             Келесіде «Сәтбаев қаласы дене шынықтыру және спорт бөлімі» ММ мемлекеттік қызметтердің көрсету сапасы туралы» мәселе қаралды. Бөліммен спортшыларға спорттық разрядты және тренерларға, әдіскерлерге, нұсқаушыларға және спорт төрешілеріне біліктілік санаттарын беру бойынша қызметі көрсетіледі.2022 жылы 205 қызмет көрсетілген, қызметтерді орындау мерзімдерін бұзу фактілері анықталмаған. Қызмет алушыларға ақпараттар бөлімнің стендтері мен интернет ресурстарында орналасқан         .

Сондай-ақ отырыста нормативтік-құқықтық актілердің жобалары қаралды.

Күн тәртібіндегі мәселелерді қарау қорытындысы бойынша Қоғамдық кеңестің тиісті ұсынымдары қабылданды.