Сәтбаев қаласы қоғамдық кеңес мүшелері және депутаттарының бірлескен бақылауы

---

Қоғамдық кеңес мүшесі Ә.Әбдраштың бастамасымен кеңес мүшелері және қалалық мәслихат депутаттары ТҮКШ бөлімі маманымен бірге қалада биыл салынған балалар алаңдарын аралап, құрылысымен таңысты. Алаңдар «Мегастроиспектр» мердігерлік ұйымымен орнатылуда. Кеңес мүшелері мен депутаттар құрылыс материалдарының сапасы мен қондырғылардың беріктігіне көңіл бөліп, өз ескертулерін айтты. Ойын алаңдары жанындағы құрылыс материалдарын, қоқысты тазалап, мердігердің жұмысты сапалы тапсыруын және кейін тиісті күтіп-ұстау мәселелерін қарастыру талап етілді. Қоғамдық кеңестің жазбаша ұсынымдары бюджеттік бағдарлама әкімшісі – тұрғын үй-коммуналдық шаруашылығы бөліміне жолданды.