останай облысы Қоғамдық кеңесінің әлеуметтік мәселелер және ҮЕҰ жөніндегі Комитетінің отырысы өтті.

---

2023 жылғы 11 қыркүйекте ZOOM режимінде Пётр Александрович Комсулёвтің «Халықтың негізгі топтарында АИТВ-инфекциясының алдын алу» мемлекеттік әлеуметтік тапсырысына ақша бөлу мәселесі жөніндегі өтінішімен Қостанай облысы Қоғамдық кеңесінің әлеуметтік мәселелер және ҮЕҰ жөніндегі Комитетінің отырысы өтті.
Отырысқа қоғамдық кеңес мүшелері, «Қостанай облысы әкімдігінің денсаулық сақтау басқармасы» ММ экономика және қаржы бөлімінің басшысы А.Б. Әбілғазин, «Қостанай облыстық ЖИТС-тың алдын алу және оған қарсы күрес жөніндегі орталығы» КМК бас дәрігерінің міндетін атқарушы А.Г. Чижков қатысты.
Отырыс қорытындысы бойынша:
1.«Қостанай облысы әкімдігінің денсаулық сақтау басқармасы» ММ «Қостанай облыстық ЖИТС-тың алдын алу және оған қарсы күрес жөніндегі орталығы» КМК-мен бірлесіп Қоғамдық кеңеске және өтініш берушіге барлық көздерден қаржыландыру көлемін көрсете отырып, АИТВ ауруларының алдын алу бойынша қаржыландырудың жағдайы туралы толығырақ ақпарат беру;
2.«Қостанай облысы әкімдігінің денсаулық сақтау басқармасы» ММ келесі жылға мемлекеттік әлеуметтік тапсырысқа конкурс жарияланғанға дейін бейінді үкіметтік емес ұйымдармен кеңес өткізу және мемлекеттік әлеуметтік тапсырысты лоттар бойынша бөлуді талқылау ұсынылды.