"Қазақстан халқына"қорының қайрымдылық жобалары талқыланды

---

      2023 жылғы 19 қыркүйекте Қостанай облысы Қоғамдық кеңесінің мүшелері  К. Ж. Алтынбаева, Б. М. Ахметов, Т. Б. Булгацевич «өңірлерге арналған «Қазақстан халқы» қоры»дөңгелек үстеліне қатысты. Қордың басқарушы директоры С.Айсағалиеваның айтуынша, дөңгелек үстел Ұлттық қайырымдылық бойынша ІІ конференцияның аясында өңірдің қайырымдылық бағдарламалары мен жобаларын іске асыру жөніндегі бастамаларды талқылау мен айқындау мақсатында өткізілуде.
    Қор қазақстандықтардың денсаулық сақтау, білім беру, әлеуметтік қолдау, мәдениет және спорт салаларындағы негізгі мәселелерді шешуге қайырымдылық бағдарламалар мен жобаларды қаржыландырады.Сондай-ақ, төтенше жағдайлар кезінде зардап шеккен азаматтарға көмек көрсетіледі. Қордың бағдарламалары елдің барлық өңірлерінде ауылдық елді мекендер мен шағын қалаларға баса назар аудара отырып іске асырылады.
   Қостанай облысында жалпы сомасы 4,7 млрд теңгеге 16 қайырымдылық жоба мен бағдарлама іске асырылуда, оның ішінде 3,2 млрд теңге сомасына қайырымдылық көмек көрсетілді, 1,5 млрд теңгеге қолдау көрсету жоспарлануда - деп атап өтті Қор басшысы София Айсағалиева.