«Жаңа Қазақстан.Таза табиғат» республикалық экологиялық акциясы аясында

---

Бүгін, 25 қазан-Республика күніне орай, «Жаңа Қазақстан.Таза табиғат» республикалық экологиялық акциясы аясында  «Мейірім» жастарды әлеуметтік бейімдеу орталығында ағаш отырғызу шарасы өтті.

Шараға Қоғамдық кеңес мүшесі Жаңбырбай Жиенқұловтың бастамасымен қалалық мәслихат төрағасы Анар Даржанова және Қоғамдық кеңес мүшелері қатысты.

Мейірім орталығының балаларымен бірге 130 данадан астам алма және алмұрт, шие ағаштарының, гүлдердің көшеттері отырғызылды.

Демеушілік еткен «Гүлдер әлемі» гүлдер фестивалінің жеңімпаздары жеке кәсіпкер Светлана Симоненко, «Эльмира» ШҚ және зейнеткер Нина Сидоренко.

Әрі қарай «Мейірім» жастарды әлеуметтік бейімдеу орталығымен танысты. Орталықта 16-29 жас аралығындағы балалар үйінің түлектері тұрады. Негізі тұрғын үй ғимараты 80 адамды қабылдауға қауқарлы. Орталықта өмір сүруге қолайлы жағдай жасаумен қатар, жастарды қазіргі қоғамға бейімдеуге, педагогикалық, психологиялық-әлеуметтік қолдау көрсетуге ерекше көңіл бөлінген.