Ақтөбе облысының Қоғамдық кеңесі өзінің сараптамасын арттыруда

---

Сенім деңгейін арттыру және қызметте формализмге жол бермеу. Мұндай міндетті Қоғамдық кеңестің жаңартылған құрамына төраға Тәттігүл Талаева қойды. Бүгін белгіленген жұмыс отырысы өтті, жұмыс комиссияларының іс-шаралар жоспарын дайындау және бекіту мәселелері қаралды. Комиссиялардың құрамы бекітілді. Олард 5. Бұл сәулет, көлік, сауда және тұрғын үй коммуналдық шаруашылығы; әлеуметтік-мәдени даму, білім беру және денсаулық сақтау; бюджет, экономика, өнеркәсіп және кәсіпкерлік мәселелері бойынша; экология, жер қойнауын пайдалану, жер қатынастары және ауыл шаруашылығы; заңдылық, құқықтық тәртіп және сыбайлас жемқорлыққа қарсы іс-қимыл мәселелері бойынша. Қоғамдық кеңестің құрамында азаматтық қоғамның 28 өкілі бар, олардың 9-ы жаңадан сайланған. Комиссияның қарауына барлығы 33 өтінім келіп түсті. Комиссия 23-ін іріктеп алды, оның 9-ы Кеңес құрамына кірді, 7-і сарапшылар құрамында және 7-і кадр резервінде. Бұл азаматтық сектор мен партиялардың өкілдері, кәсіпкерлер, журналистер.
"Жаңа толқын, тәжірибе мен жастықтың бірігуі, жаңа бастамалар біздің қоғамдық органның одан әрі қызметінде оң рөл атқаратынына, оның маңыздылығын жоғары деңгейге көтеретініне, оның іс-әрекетін қайта форматтайтынына сенімдіміз. Қоғамдық кеңес консультативтік-кеңесші орган, жергілікті өзін-өзі басқару органдарына олардың құзыреті мәселелері бойынша есеп беретін орган болып табылады. Кеңес мүшелері мемлекеттік органдардың қызметіне, мемлекеттік сатып алу жөніндегі конкурстық комиссиялардың жұмысына қатыса алады, қоғамдық сараптамалар жүргізе алады, мониторинг жүргізе алады және т. б. Заңнамаға сәйкес мемлекеттік органдар қоғамдық кеңестердің ұсыныстарын қарауға міндетті. Кеңестің негізгі мақсаты - мемлекеттік органдардың қызметіне қоғамдық мониторинг жүргізу. Бұл халықтың проблемалық мәселелері мен ұсыныстарын жинақтауға арналған алаң", - деп атап өтті Тәттігүл Талаева