ПРЕЗИДЕНТ САЙЛАУЫНА -1 ЖЫЛ

---

Былтыр 20 қарашада елімізде кезектен тыс президент сайлауы өтіп, Қасым-Жомарт Кемелұлы Тоқаев Конституцияға енгізілген өзгертулер бойынша 7 жылдық бір мерзімге сайланған болатын.

Президент өзінің сайлауалды бағдарламасында атап өткендей, “Біздің ортақ мақсатымыз - заң мен тәртіп үстемдік ететін Әділетті Қазақстан құру”.

Бір жыл ішінде Президенттің сайлауалды бағдарламасының басым бағыттары бойынша бастамалары жедел жүзеге асырылып жатқанын көріп отырмыз.

Экономика, әлеуметтік сала мен өңірлік саясаттағы түбегейлі өзгерістер туралы Президент бастамалары халықтың мұң-мұқтажына тиімді жауап болып табылады.

Мемлекет тарапынан өскелең ұрпаққа білім беру үшін инвестиция құю қолға алынды.

Әлеуметтік бағдарламалар іске асырылуда.

Жақында ғана Мемлекет басшысы “Ұлттық қор - балаларға” жобасын 2024 жылғы 1 қаңтардан бастап іске қосу үшін заңнамалық түзетулерге қол қойды.

Ұлттық қордың инвестициялық табысының 50%-ы 18 жасқа дейінгі барлық бала арасында бөлінетін болады. Бала қаражатты кәмелеттік жасқа толғаннан кейін білім алуға немесе баспана сатып алуға пайдалана алады.

Бала күтімі бойынша мемлекеттік жәрдемақы мен әлеуметтік төлеу мерзімі 1 жылдан 1,5 жылға дейін ұзартылды.

Білім саласының барлық деңгейлерінде қордаланған мәселелер жан-жақты қарастырылып, шешілуде.

Бала тәрбиесі мен олардың алаңсыз өмір сүруіне қажетті жағдайлар жасалуда.

Саламатты, білімді, еңбексүйгіш, әлеуметтік қорғалған және отаншыл қоғам қалыптастыру мақсатында Президентіміз бастаған реформалардың толығымен орындалуына халқымыздың қолдау көрсетіп, белсене қатысуы айрықша маңызды!

Жанар ОРЫНБАЕВА,

Жамбыл облыстық қоғамдық кеңестің хатшысы