Сәтбаев қаласының Қоғамдық кеңесінің кезекті отырысы (16.11.2023 г.

---

Ағымдағы жылғы 16 қарашада өткен Қоғамдық кеңестің кезекті отырысында «Сәтбаев қаласының құрылыс бөлімі» ММ басшысы Н.С. Сүттібаеваның «66, 74 кварталдардың кәріз желілерін салу» бюджеттік бағдарламасын орындалысы туралы ақпараты тыңдалды. 

Отырысқа дайындық барысында кеңес мүшелері М.Мәдиева, А.Тұрлұбек, Ө.Құдаспаев, Ғ.Нұрпейісов нысанда болды, онда «Монолит-Дизайн-2030» ЖШС мердігерлік компанияның өкілі алдағы жұмыс көлемімен таныстырды.

Аталған жобаның мақсаты қаладағы 486 тұрғын үйдің тұрғындарын орталықтандырылған кәріз жүйесімен қамтамасыз ету болып табылады. Бұл жұмысты «Монолит-Дизайн-2030» ЖШС  жүргізеді. Бүгінгі таңда құрылыс монтаждау жұмысының ұйымдастыру кезеңі басталды, жұмыстың толық аяқталуы 2024 жылға жоспарланған.

Талқылау барысында Қоғамдық кеңес мүшелері қолданыстағы кәріз желілерінің жағдайы мен тозуы мәселесін көтеріп, Ұлытау облысы әкіміне, Сәтбаев қаласының әкіміне және құрылыс бөліміне ұсыныстар жолдады.

Отырыс күн тәртібінің екінші мәселесі бойынша кеңестің шығып қалған мүшесінің орнына резервтік тізімнен С.С.Имамбай енгізілді.