Қазкеңес жаңалықтары
KazKENES жаңалықтарыТҮРКІСТАН ОБЛЫСЫ ТӨЛЕБИ АУДАНДЫҚ ҚОҒАМДЫҚ КЕҢЕСІНІҢ ОТЫРЫСЫ
Қоғамдық кеңестің төрағасы Б.Оралбеков төрағалық еткен кеңестің отырысына аудан әкімінің орынбасары Л.Серікбаев қатысты. Күн тәртібінде 4 мәселе қаралды.
1. Төлеби ауданындағы жол құрылысы мәселелері, жаңадан қосылатын инфрақұрылым жүйелері жұмыстарының орындалуы және сыбайлас жемқорлықты алдын алу мақсатында атқарылып жатқан жұмыстардың барысы туралы, Төлеби аудандық тұрғын үй-коммуналдық шаруашылық жолаушылар көлігі және автомобиль жолдары бөлімінің басшысы С.Қалдыбаев слайд форматы арқылы баяндама жасады.
2. Төлеби ауданы Алатау ауылдық округі Алатау, Біркөлік, Екпінді, Жаңа-тұрмыс, Қайнар, Қорған, Қосағаш, Нысанбек, Шатыртөбе, Шұбарағаш елді мекендерінің шекараларын өзгерту және белгілеу туралы, Төлеби аудандық жер қатынастары бөлімінің басшысы А.Сарбеков хабарлама жасады.
3. Төлеби ауданындағы дербес бөлімдердің бюджеттік бағдарламалардың орындалуын талқылау және аудандық экономика қаржы бөлімінде атқарылып жатқан жұмыстарының нәтижесі туралы, Төлеби аудандық экономика және қаржы бөлімінің басшысы М.Ашрапов слайд форматы арқылы баяндама жасады.
4. Төлеби ауданы Зағамбар елді мекеніндегі Аль-Фараби атындағы жалпы орта мектебінің электр торабы мен жылу қазандығының жағдайы туралы, қоғамдық кеңестің комиссия төрағасы Ә.Әбдіхалықов хабарлама жасады.
Қоғамдық кеңес мүшелері барлық баяндамашыларға сұрақтарын қойып жауаптарын тыңдады және көптеген түйткілді мәселелерді талқылады. Сонымен қатар алдағы уақытта жұмыстарды жақсарту мақсатында нақты ұсынымдарын айтып әрбір мәселе бойынша шешімдер қабылдады.