Жетісу облысы, Ақсу ауданы

---

2023 жылдың 22 қараша күні Ақсу ауданы, Жансүгіров кентінде Жетісу облыстық Қоғамдық кеңесінің төрағасы Қошанбеков Ерғазы Қошанбекұлының төрағалығымен "Тамшыбұлақ" қоғамдық бірлестігі Жетісу облысының Қоғамдық даму басқармасының мемлекеттік әлеуметтік тапсырысты іске асыру шеңберінде «Қоғамдық кеңес мүшелері мен мүдделі тұлғалар үшін қоғамдық мониторинг және бақылау жүргізу, бюджетті талдау бойынша дағдыларды қалыптастыру» атты семинар өткізді.
Семинардың басты мақсаты - шешімдер қабылдау процесіне азаматтық қоғамды тарту, Қоғамдық кеңес мүшелерінің құзыреттерін арттыру.
Семинар барысында облыстың қоғамдық кеңесінің төрағасы Қошанбеков Ерғазы Қошанбекұлы кіріспе сөз алып, облыстық кеңес қызметінің негізгі бағыттары, қаралған негізгі мәселелер туралы айтып, азаматтардың қоғамдық кеңестердің қызметі туралы хабардар болу деңгейін арттыру үшін оның мүмкіндіктерін пайдалану керектігін айтты. "Қоғамдық бақылау туралы" жаңа қабылданған Қазақстан Республикасының Заңы туралы сарапшы, жоба үйлестірушісі Құрманғалиева Әлия Құдайбергенқызы айтып, осы Заңның негізгі терминдері мен ұғымдарымен таныстырды. "Тамшыбұлақ" қоғамдық бірлестігінің басшысы Жанат Ерханқызы Төлемісова, жоба жетекшісі, қатысушыларды www.kazkenes.kz интернет-порталмен таныстырып, қоғамдық мониторинг пен бақылауды нақты жүргізу, бюджетті талдау туралы айтып берді. Семинар қатысушыларына "Қоғамдық кеңестер жұмысының негізгі қағидаттары" әдістемелік құралдары және "Қоғамдық бақылау туралы "Қазақстан Республикасының Заңы" брошюрасы берілді.
Семинар диалог алаңы, пікір алмасу, сұрақ-жауап және т.б. форматында жалғасты.