Құқықтық тәртіпті қамтамасыз ету және құқық бұзушылықтың алдын алу туралы

---

Облыстық қоғамдық Кеңес өз отырысында өңірдегі құқықтық тәртіпті қамтамасыз ету және құқық бұзушылықтың алдын алу мәселесін қарастырды. Бұл туралы облыс Полиция департаменті бастығының бірінші орынбасары Ж. Қайыров хабарлады. Қоғамдық Кеңес жұмысына облыс әкімі аппаратының басшысы Д.Е. Ибраев, облыс прокуратурасы 3-басқармасының прокуроры А.Т. Көшербаев, облыс прокурорының көмекшісі С.Қ. Жүрсінов, полицияның қоғамдық көмекшілері тобының мүшелері қатысты. Баяндаманы талқылау барысында қоғамдық Кеңес мүшелері кәмелетке толмағандар арасындағы қылмыс, тұрмыстық зорлық-зомбылық, нашақорлық, алаяқтық сияқты құқық бұзушылықтарға назар аударды. Олар автокөлік/жол қозғалысы қауіпсіздігін арттыру және жасөспірімдер арасындағы құқық бұзушылықтың алдын алу бойынша өз ұсыныстарын айтты. Соңында облыс Полиция департаментіне, облыстың атқарушы мемлекеттік органдарына ұсынымдар берілді.