«Қазақстан Республикасының азаматтарын әскери қызметке шақыруды ұйымдастыру, әскердегі тәртіп және оны жақсарту бағытындағы өңірдегі алынып жатқан шаралар туралы» мәселе қаралды.

---

Ағымдағы жылдың 1 желтоқсан күні Атырау облыстық  қоғамдық кеңесінің кезекті отырысы өтті.

Отырыста  «Қазақстан Республикасының азаматтарын әскери қызметке шақыруды ұйымдастыру, әскердегі тәртіп және оны жақсарту бағытындағы өңірдегі  алынып жатқан шаралар туралы» мәселе қаралып, Жұмылдыру даярлығы және азаматтық қорғау басқармасының басшысы  Е.Қажкеновтің баяндамасы тыңдалды.

Күн тәртібіндегі мәселе бойынша Қорғаныс істері жөніндегі департамент басшысының орынбасары Қ.Бердіғалиев және қоғамдық кеңестің Сыбайлас жемқолыққа қарсы қоғамдық бақылау, құқықтық қорғау мәселелері жөніндегі комиссиясы төрағасы А.Иманғалиев қосымша баяндама жасады. Өңірдегі әскери бөлім және батыс өңірінің әскери прокуратурасы басшылары пікірлерімен бөлісіп, саладағы проблемалық мәселелерге тоқталды.

Қоғамдық кеңес мүшелері халықты толғандыратын жағдайлар туралы, әсіресе, сарбаздардың қауіпсіздігі, тұрмыстық жәй-күйі, денсаулығы туралы сұрақтарын қойып, пікір алмасты.

Мәжіліске облыс әкімі аппаратының басшысы Нұрлыбек Жеңісбекұлы қатысып, сөз сөйледі. Отырыс қорытындысымен қарар қабылданатын болады.