Ағымдағы жылдың 1 желтоқсан күні аудан әкімдігінің кіші мәжіліс залында А.М.Бектургановтың төрағалығымен Қоғамдық кеңес отырысы өтті.

---

Ағымдағы жылдың 1 желтоқсан күні аудан әкімдігінің кіші мәжіліс залында А.М.Бектургановтың төрағалығымен Қоғамдық кеңес отырысы өтті. Қоғамдық кеңес отырысына аудан әкімінің орынбасары А.С.Тукжанов, мәслихат төрағасы К.Т.Ермекбаев, бөлім басшылары, қоғамдық кеңес мүшелері мен бұқаралық ақпарат құралдары өкілдері қатысты. Сонымен қатар, ауылдық округтердің қоғамдық кеңес мүшелері ЗУМ арқылы қатысты.

Қоғамдық кеңес отырысында «2024-2026 жылдарға арналған аудандық бюджет туралы» және Ақсай қаласының және ауылдық округтердің «2024-2026 жылдарға арналған бюджеті туралы» аудандық экономика және қаржы бөлімінің басшысы Г.Т.Шамгонова баяндады. Сонымен қатар,  «Приурал ауылдық округі әкімі аппаратының көрсететін мемлекеттік қызметтері туралы» Приурал ауылдық округінің әкімі М.Б.Ергалиев, «Пугачев ауылдық округі әкімі аппаратының көрсететін мемлекеттік қызметтері туралы» Пугачев ауылдық округінің әкімі М.Н.Изтелеуов баяндама жасады. Келесі Бөрлі аудандық мәслихатының «Жеке оқыту жоспары бойынша мүгедектегі бар балалар қатарындағы кемтар балаларды үйде оқытуға жұмсалған шығындарды өтеу тәртібі мен мөлшерін айқындау туралы» шешім жобасы туралы және «Бөрлі аудандық мәслихатының 2023 жылғы 16 қазандағы №7-2 «Бөрлі ауданының әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» шешіміне өзгерістер енгізу туралы» шешім жобасы туралы мәселелер бойынша жұмыспен қамту және әлеуметтік бағдарламалар бөлімі басшысының міндетін атқарушы Г.С.Туреева таныстырды. Сонымен қатар, «Батыс Қазақстан облысы Бөрлі ауданының аумағында стационарлық емес сауда объектілерін орналастыру орындарын айқындау және бекіту туралы» Бөрлі ауданы әкімдігі қаулысының жобасы бойынша кәсіпкерлік бөлімінің басшысы Н.Т.Кубашеваның баяндамасы тыедалды.

Қоғамдық кеңес мүшелері аудан бюджетіне байланысты өз ұсыныс пікірлерін білдірді. Баяндамашыларды толық тындап, сұрақтар қойып, ұсыным берді.