Қазкеңес жаңалықтары

Қоғамдық кеңестің төралқа отырысы өтті

Ағымдағы жылдың 5 желтоқсан күні Г.Тұрғаналиевтың төрағалығымен Тасқала аудандық Қоғамдық кеңесінің төралқа отырысы өтті.

Төралқа отырысына кеңес мүшелері, аудандық жұмыспен қамту және әлеуметтік бағдарламалар бөлімінің меңгерушісі З.Сагирбаева және аудандық балалар-жасөспірімдер спорт мектебінің директоры А.Туркаев қатысты.

Күн тәртібінде сәйкес аудандық жұмыспен қамту және әлеуметтік бағдарламалар бөлімінің меңгерушісі З.Сагирбаева БҚО Тасқала аудандық мәслихатының 2014 жылғы 23 желтоқсандағы №29-6 «Тасқала ауданында жеке оқыту жоспары бойынша мүгедектігі бар балалар қатырындағы кемтар балаларды үйде оқытуға жұмсаған шығындарды өтеу тәртібін және мөлшерін айқындау туралы» шешіміне өзгеріс енгізу туралы шешім жобасын баяндады.

БҚО әкімі аппаратының басшысының 2023 жылғы 10 қазандағы №04-10/6478 хатына сәйкес облыста көрсетілген әлеуметтік көмектердің мөлшерін бірдейлендіру мақсатында әрбір мүгедектігі бар балаға оқытуға жұмсаған шығындарын өндіріп алу үшін оқу жылы ішінде көрсетілген ай сайынғы әлеуметтік көмекті 3 АЕК мөлшерінен 5 АЕК мөлшеріне дейін ұлғайту туралы ұсыныс білдірді.

Күн тәртібіндегі 2-ші мәселе бойынша «БҚО әкімдігінің дене шынықтыру және спорт басұармасының Тасқала аудандық аудандық балалар-жасөспірімдер спорт мектебі» МКК бойынша мемлекеттік көрсетілетін қызметтері туралы және оның сапасын арттыру бойынша және сыбайлас жемқорлыққа қарсы іс-қимыл бағытындағы есебімен аудандық балалар-жасөспірімдер спорт мектебінің директоры А.Туркаев тыныстырды.

Жалпы баяндамашымен аудан бойынша көрсетілетін спорт түрлері бойынша, спортшылардың жетіктістері мен сыбайлас жемқорлыққа қарсы өткізлетін іс-шаралар туралы жеткізілді.

Кеңес мүшелері күн тәртібіндегі мәселелерді талқылап, бірауыздан келісім берді. Сонымен қатар 2 мәселеге қатысты сыбайлас жемқорлық тәуекелдерін азайту және қызмет көрсету сапасын арттыру мақсатында көрсетілген мемлекеттік қызметтерді электронды форматқа көшіру бойынша тиісті шаралар қабылдансын деген ұсыныс берілді.