Қосшы қалалық Қоғамдық кеңесінің отырысы өтті

---

Бүгін Қосшы қалалық Қоғамдық кеңесінің отырысы өтті. Кеңес төрайымы С. Матайбаева ашқан жиынға Ақмола облыстық мәслихатының депутаты А. Төребаев, қала әкімінің орынбасарлары, Ақмола облыстық жедел медициналық жәрдем станциясының директоры Р.Садырқожаұлы, мемлекеттік мекемелердің, медициналық мекемелердің басшылары және кеңес мүшелері қатысты.

Күн тәртібі бойынша жиыны 7 мәселе қаралды. Олардың қатарында қала тұрғындары үшін аса маңызды, әрі кезек күттірмей шешуді талап етіп отырған бірқатар мәселелер бар.

Қала тұрғындарына медициналық қызмет көрсету сапасы және азаматтардың өмір сүру ұзақтығының негізі ретінде медициналық қызметтерді тұтыну көлемінің өсу деңгейі туралы №1 қалалық емхананың бас дәрігерінің міндетін атқарушы М.Ж.Архабаева және «Жанұя» емханасының бас дәрігері Б.Р. Баекеева мәлімет берді.

Қосшы қалалық жедел жәрдем стансасының қала тұрғындарына көрсететін қызметінің сапасы туралы мәселе бойынша Ақмола облыстық жедел медициналық жәрдем стансасының директоры Р.Садырқожаұлы баяндама жасады. Отырыста бұған дейін де жедел-жәрдем станциясының жұмысы қаралып, тиісті ұсыныстар берілгендігі, нақты жауаптар алынбағандығы аталып өтілді. Алдағы уақытта тұрғындарға сапалы медициналық қызмет көрсетуді жолға қою үшін жоғарғы құзіретті органдарға ұсыныстар жолдау туралы шешім қабылданды.

Қосшы қаласы әкімінің орынбасары А.Б. Ибраева Қосшы қаласы мәслихатының «Қосшы қаласы мәслихатының 2022 жылғы 23 желтоқсандағы №123/25-7 «2023-2025 жылдарға арналған қалалық бюджеті туралы» шешіміне өзгерістер енгізу туралы» шешімінің жобасын қарау туралы баяндады.

Бұдан өзге де салық мөлшерлемесінің мөлшерін төмендету туралы, Қосшы қаласының бас жоспарын бекіту туралы, Қосшы қаласы мен Тайтөбе ауылында салық салу объектісінің орналасуын ескеретін аймаққа бөлу коэффициенттерін бекіту туралы мәслихат шешімдерінің жобасын қарау және 2023 жылдың екінші жарты жылдығында мемлекеттік мекемелермен көрсетілген мемлекеттік қызметтің сапасы туралы мәселелер қаралды.

Отырыс барысында қаралған сауалдар бойынша кеңес мүшелері баяндамашыларға сауалдарын қойып, оған жауап берілді. Жиынның қорытындысы бойынша Қоғамдық кеңестің Хаттамалық шешімі қабылданды.