Азаматтарды қабылдау

---

Қосшы қаласы Қоғамдық кеңесінің мүшелері жыл бойы әр апта сайын қала әкімдігімен, мәслихат депутаттарымен бірлесе отырып азаматтарды қабылдауды жүргізіп келеді.

Қабылдауға келген жұртшылық өздерінің жеке мәселелерін, қоғамның сан түрлі салаларына қатысты сауалдарын тікелей қойып, оған жауап алады. Кеңес мүшелері әр тұрғынды мұқият тыңдай отырып, көтерген мәселесінің шешілуін бақылауда ұстайды. Мысалы, құжаттамаға қатысты сауалдарға құқықтық көмек көрсетіліп, атқарушы органдарға ұсыныстар беріледі.

Қаламызда инфрақұрылымға қатысты әлі де болса күрделі мәселелер көп. Дегенмен, көп жұмыстар кезең-кезеңімен жоспар бойынша жүзеге асатын болады. Қоғамдық кеңес өкілдері азаматтық қоғамның мүддесін білдіре отырып қаламыздың барша түйткілді мәселесін шешу жолында әлі де ауқымды жұмыстар атқара беретін болады.