"Тұрмыстық зорлық-зомбылықсыз 16 күн" акциясы аясында

---

Республика аумағында 25 қарашадан бастау алған «Тұрмыстық зорлық- зомбылықсыз 16 күн» акциясы аясында Ақтөбе қаласының тұрмыстың зорлық-зомбылық құрбандарына арналған дағдарыс орталығында әлеуметтік – мәдени даму және жастар ісі бойынша комиссиясының қатысуымен дөңгелек үстел өтті.

Комиссияға қалалық мәслихат төрағасы Анар Даржанова, мәслихат депутаттары Қайырбек Таханов, Нарқозы Қартжан, Қоғамдық кеңес мүшесі Наталья Каюдина, Ақтөбе облысы әкімі жанындағы әйелдер істері және отбасылық-демографиялық саясат жөніндегі комиссия хатшысы Гүлжан Маханова, комиссия мүшесі Жанша Бақытхан қатысты.

Отырыс барысында қатысушылар тұрмыстық зорлық-зомбылыққа қатысты ойларын айтып, пікір алмасты. Сондай-ақ, тұрмыстық зорлық-зомбылыққа ұшыраған әйелдермен сұхбаттасып, мемлекет тарапынан көрсетілетін тегін қолдау бойынша ақпарат берілді.

✔️Бүгінгі күні орталықта 7 ана, 19 бала көмек алуда. Орталықта: қауіпсіз баспана; қажетті тұрмыстық заттар; тегін тамақтану; психолог және юристтің көмегі; белгілі мәселелерді шешуге көмектесетін әлеуметтік қызметкердің қолдауы; балаларды дамытуға және белсендіруге бағытталған түрлі шаралар; ең бастысы, қолдау мен түсіністікке ие болады. Қазіргі таңда орталыққа жүгінген әйелдер жұмысқа орналастырылып, еңбек етуде.

Шара барысында орталықтың ересектер психологы Жаннат Актанова мен балалар психологы Асель Сатаева орталықтан қызмет алушыларға тренинг өткізді.

✔️Бүгінде Қазақстанда зорлық-зомбылыққа қарсы заңнама кү­­шейтілгенімен, тұрмыстық жағ­дайда құқығы бұзылған әйел­дер мен қыздардың тағдыры қоғамдық институттар тарапынан өзгеше қадамдарды тиімді етудің маңыздылығын көрсе­тіп отыр.