Аудандық полиция бөлімі жергілікті полиция қызметі бөлімшесінің бастығы, полиция подполковнигі  Б.Қайыржанов өз баяндамасында Индер ауданының криминогендік жағдайы 2022 жылдың 10 айымен салыстырғанда қоғамдық орындарда жасалған қылмыстар - 66,7 пайызға, көшеде жасалған қылмыстар - 75 пайызға төмендегенін, қарудың қолдануымен жасалған қылмыстар орын алмағандығын, тұрмыстық зорлық-зомбылық құрбандарын уақытылы қорғау мен олардың қауіпсіздігін, сондай-ақ, әлеуметтік және психологиялық қолдауын қамтамасыз ету үшін жұмыстары ұдайы жүргізіліп, баспаналар және дағдарыс орталықтарына қоныстануды қажет ететін тұлғалар анықталмағанын. Жасалып жатқан немесе жасалған құқық бұзушылықтар туралы жасырын белгілерінен тұратын азаматтардың хабарламаларына ден қою туралы Индер аудандық полиция бөлімі жергілікті полиция қызметі бөлімшесіне жеке құрамына нұсқау беріліп, азық-түлік дүкендері мен дәріханалардың сатушылары арасында барлық елді мекендерде тұрмыстық зорлық-зомбылықтан зардап шеккендердің іс-қимыл алгоритмі бойынша жадынамалар таратылып және жадынамаға сәйкес сатушылармен тұрмыстық зорлық-зомбылық туралы жасырын белгілері бар азаматтардың өтініштері бойынша полицияға хабарлау туралы түсіндіру жұмыстары жүргізілуде. Индер ауданы полиция бөлімімен аудан көлемінде құқық бұзушылықтар мен қылмыстарды соның ішінде ұрлық қылмыстарын болдырмау, «Кісі өлтіруге қарсы іс-қимыл туралы 2021-2023 жылдарға арналған» бағдарламасы бойынша, интернет алаяқтыққа қарсы қылмыстардың алдын-алу мақсатында дүкендер мен кәсіпкерлік нысандарға учаскелік полиция инспекторларымен профилактикалық мақсатта түсіндірме жұмыстары жүргізіліп жатырғандығын атап өтті.

        Аудандық ішкі саясат бөлімінің басшысы А.Дюсубалиева аудандағы діни ахуалдың жай күйі, діни тұрақтылықты сақтау және нығайту бағытында атқарылған жұмыстары туралы баяндамасында ауданымызда жыл басынан бері діни экстремизмнің таралуына жол бермеу шараларын алу және қоғамдық ұйымдармен қарым-қатынасты нығайту және халық арасында түсінік жұмыстарын жүргізу бағытында көптеген жұмыстар атқарылғандығын, аудан әкімі жанындағы дін істері жөніндегі Кеңестің отырысы жартыжылдықта бір тұрақты өткізіліп, тиісті мекемелер тыңдалып, Кеңестің ұсыныс-пікірлері бойынша бөлімдерге, жергілікті округ әкімдеріне тиісті органдарға бірлескен нақты тапсырмалар берілгендігін, аудан бойынша жалпы 3 мешіт, 1 православиялық ғибадатхана, сонымен қатар аудан тұрғындарының қолдауымен жаңа 3 мешіттің құрылысы жүруде, 12 желтоқсан күні Елтай ауылдық округінде жаңадан тұрғызылған мешіт пайдалануға берілгендігін атап өтті.

        Индер ауданының жергілікті атқарушы органдарымен көрсетілетін мемлекеттік қызметтердің сапасы мен проблемалық мәселелері, оның шешілу жолдары туралы аудан әкімі аппаратының мемлекеттік құқық, төтенше жағдайлар және мемлекеттік қызмет көрсету сапасын бақылау бөлімінің басшысы Н.Сағынғалиев: Күні бүгін аудан әкімдігіне қарасты жергілікті атқарушы органдармен 104 мемлекеттік қызмет түрі бойынша қызметтер көрсетіліп, электронды қызметтердің үлесі 93,5 пайызды құрағанын, Индер ауданында жергілікті атқарушы органдармен көрсетілетін мемлекеттік қызмет түрлері бойынша 2023 жылдың 4-тоқсанында 3112 мемлекеттік қызмет көрсетілгенін баяндады.

         Кеңес отырысының күн тәртібіндегі мәселелерді  Қоғамдық кеңес мүшелері мақұлдап, бірқатар ұсыныс, пікірлерін білдірді.