Облыстық Қоғамдық кеңесі төрағасының орынбасары сайланып, төралқа құрамы бекітілді

---

Облыстық Қоғамдық кеңесі төрағасының орынбасары сайланып, төралқа құрамы бекітілді
Ақтөбе облысының Қоғамдық кеңесі жаңа құрамда Тәттігүл Талаеваның төрағалығымен жұмыс отырысын өткізді.
Күн тәртібіне кеңес төрағасының орынбасары мен төралқа құрамын сайлау мәселелері қойылды. Дауыс беру және алқалы шешіммен Қоғамдық кеңес төрағасының орынбасары болып Сағынғазы Құрманалин сайланды.
Содан кейін Қоғамдық кеңестің төралқасы сайланды. Сондай-ақ Қоғамдық кеңес төрағасының орынбасарының міндетін атқарушы болып Ташкенбай Сұлтанбек Әнуарбекұлы сайланды.
Сол күні бірқатар ұйымдастырушылық мәселелер қаралды.
"Мемлекет басшысы Қоғамдық кеңестің ұсынымдарын іске асыру міндеттілігін үнемі баса назар аударады. Азаматтық қоғам - бұл билік пен қоғамның өзара жауапкершілік жүйесі. Міне, ол біздің елімізде жүзеге асырылуда. Кеңес маңызды мәселелер бойынша қоғамдық пікір қалыптастырады", - деп тағы да атап өтті Қоғамдық кеңестің төрағасы Тәттігүл Талаева.
 Кеңес жанынан сәулет, көлік, сауда және тұрғын үй коммуналдық шаруашылығы; әлеуметтік-мәдени даму, білім беру және денсаулық сақтау; бюджет, экономика, өнеркәсіп және кәсіпкерлік мәселелері бойынша; экология, жер қойнауын пайдалану, жер қатынастары және ауыл шаруашылығы; заңдылық, құқықтық тәртіп және сыбайлас жемқорлыққа қарсы іс-қимыл мәселелері бойынша комиссиялар жұмыс істейді.