«Бизнеске жол» жобасын іске асыру қорытындылары туралы

---

Төралқаның кеңейтілген отырысында облыстық қоғамдық кеңес мүшелері бизнес саласындағы сыбайлас жемқорлық фактілерін жою және кәсіпкерлік субъектілерінің құқықтарын қорғау мақсаты болып табылатын «Бизнеске жол» жобасының өңірде жүзеге асырылу нәтижелерін талқылады. ҚР Сыбайлас жемқорлыққа қарсы іс-қимыл агенттігінің Павлодар облысы бойынша департаменті превенция басқармасының басшысы М.Абдрахманов жүргізіліп жатқан жұмыстар туралы және салық салу, мемлекеттік сатып алулар саласындағы және мемлекеттік гранттар беру саласындағы анықталған сыбайлас жемқорлық тәуекелдері жайлы хабарлады. Облыстың жер қатынастары, кәсіпкерлік және индустриялық-инновациялық даму, жұмыспен қамтуды үйлестіру және әлеуметтік бағдарламалар басқармаларының басшылары олармен анықталған сыбайлас жемқорлық тәуекелдерін жою бойынша қабылданған шаралар туралы хабарлады. Қоғамдық кеңестік мүшелері Ю.Дубовицкий, К.Кеңесбаев, Ш.Мусин, М.Регатунова, Б.Файзулин, А.Туганбай өздерін толғандыратын сұрақтарын қойды, оларға Қазақстан Республикасы Сыбайлас жемқорлыққа қарсы іс-қимыл агенттігінің Павлодар облысы бойынша департаменті басшысының бірінші орынбасары М.Қасымов, облыс жер қатынастары басқармасының басшысы М.Хамитов, Павлодар облысы бойынша мемлекеттік кірістер департаменті басшысының орынбасары Т.Горяев жауап берді. Отырыс қорытындылары бойынша облыс әкімдігіне, облыстың кәсіпкерлік және индустриялық-инновациялық даму, жер қатынастары, жұмыспен қамтуды үйлестіру және әлеуметтік бағдарламалар басқармаларына, Қазақстан Республикасы сыбайлас жемқорлыққа қарсы іс-қимыл агенттігінің Павлодар облысы бойынша департаментіне, мемлекеттік кірістер, ішкі мемлекеттік аудит департаменттеріне ұсыныстар берілді.