14 желтоқсан күні Байғанин ауданының 95 жылдық мерейтойына орай, облыстық Өнер орталығында «Жем-Сағыздың сәлемі» атты мерекелік концерті өтті.

---

14 желтоқсан күні Байғанин ауданының 95 жылдық мерейтойына орай, облыстық Өнер орталығында «Жем-Сағыздың сәлемі» атты мерекелік концерті өтті. Мерекелік кешке қалалық мәслихат төрағасы Анар Даржанова, Қоғамдық кеңесінің төрағасы Ахат Мурзалин, мәслихат депутаттары, Қоғамдық кеңесінің мүшелері, ардагерлер және тұрғындар қатысты.

Байғанин ауданы көптеген талант иелерінің дүниеге келген жері.  Концерт Байғанин ауданының өнерпаздары және осы шараға арнайы шақырылған өнер және эстрада жұлдыздарының қатысуымен өтті. Өнер көрсеткендердің қатарында Нұрболат Абдуллин, Орал - Қосай Байсеңгір, Алтын Ружева, Айсан Тәжібаева, Нұрнияз Мұқанов, Әсет Оразалин, Жайлау Асылханов және Есет Сәдуақасов бар.

Мерекелік шара барысында әсем әуендер шырқалып, мың бұрылған бишілер өз өнерлерін көрсетіп, көрермен қошеметіне бөленді. Дарынды музыканттардың өнерлері мерекелік көңіл-күй сыйлады. Бұл мерекелік концерт Байғанин ауданының 95 жылдық мерейтойына арналған ерекше сыйлық болды.