Ақтөбе облысы Қоғамдық кеңесінің кезекті отырысы Ақтөбе қаласының айналасындағы жасыл белдеуді, саябақтар мен скверлерді қалыптастырып және күтіп ұстау мәселелеріне арналды. Қалалық ТКШ, жолаушылар көлігі және автожолдар бөлімінің басшысы 2023 жылғы жұмыстар туралы баяндап, келесі жылға арналған жоспарларымен бөлісті. Климаттық ерекшеліктерді, өмір сүруді және белгілі бір учаскенің топырақ құрамын ескере отырып, ағаш отырғызуды жүзеге асыру үшін қала дендрологиялық жоспар құруды көздейді. Оған олардың есептеулері бойынша 6,5 млрд бюджет қаражаты қажет‼
Қоғамдық кеңес мүшелері қаражатты шашуға қарсы болды және өздерінің сараптамалық ұсыныстарын беруге дайын, сондай-ақ осы жұмыстарға осындай қаражатты анықтау негіздері бойынша жауап күтуде.Ұсыныстарға Экология, жер қойнауын пайдалану, жер қатынастары және ауыл шаруашылығы мәселелері жөніндегі комиссияның төрағасы С.Құрманалин көгалдандыру жұмыстарын мемлекеттік-жекеменшілік әріптестікке беру бөлігінде үзілді-кесілді қарсы болды. Оның айтуынша, жергілікті питомниктерге жұмыс істеуге және бір-бірімен бәсекелесуге мүмкіндік беру керек.
Өз кезегінде Қоғамдық кеңестің төрағасы Т.Талаева саябақтар мен скверлерді күтіп ұстау, сондай-ақ онда жасыл желектерді суаруды жүзеге асыру тақырыбын қозғады. Саябақтар ТКШ балансында тіркелмегендігі белгілі болды.
Сондай-ақ, Жасыл ел отрядтарының, еңбек отрядтары мен өзге де ұйымдар мен мемлекеттік органдардың тиімді өзара іс-қимыл жөніндегі қызметін бақылайтын және реттейтін бірыңғай органның жоқтығы атап өтілді. Саябақтар аллергенді шөптермен бітелген, оларды жою үшін бірлесіп жұмыс істеу керек.
Ал жолдардың қысқы күтімінде құм мен тұзды шашыратудан бас тарту және химраагенттерді қолданудың Канадалық әдісін зерттеу ұсынылды. Қыста мың тоннаға жуық тұз себіледі, бұл топыраққа зиян тигізеді, сонымен қатар өзендерге кетеді. Қоғамдық кеңес талқыланған мәселелер бойыншахаттамалық ұсынымдар дайындайды.
KazKENES жаңалықтары