МЕМЛЕКЕТТІК ҚЫЗМЕТТЕР КӨРСЕТУ САПАСЫН БАҒАЛАУДЫ, БАҚЫЛАУДЫ, ҚОҒАМДЫҚ МОНИТОРИНГІЛЕУДІ ЖҮРГІЗУ ҚАҒИДАТТАРЫ - ОБЪЕКТИВТІЛІК, БЕЙТАРАПТЫЛЫҚ, ЖАН-ЖАҚТЫЛЫҚ

---

 Жамбыл облыстық Қоғамдық кеңесінде 2023 жылдың 9 айының көрсеткіштері бойынша мемлекеттік көрсетілетін қызметтер мониторингі туралы есеп тыңдалды.

Облыс әкімі аппаратының мемлекеттік көрсетілетін қызметтерді мониторингілеу бөлімінің басшысы Ғалия Боранбаева жергілікті атқарушы органдар 281 қызмет түрін, оның ішінде электронды түрде 270 қызмет көрсеткеніне тоқталып, а.ж. 9 айында ЖАО көрсеткен 9 976 890 мемлекеттік қызметтер туралы баяндады.

Есепте көрсетілгендей, аталған мерзімде жеке және заңды тұлғаларға мемлекеттік қызмет көрсету барысында барлығы - 54 мерзім бұзу фактісі орын алған.

Оның ішінде Жуалы ауданында 44 мерзім бұзу фактілері анықталғанына тоқталған бөлім басшысы кемшіліктерге жол берген 19 қызметкер тәртіптік жауапкершілікке тартылғанын және 10 қызметкерге 431 250 тг. көлемінде әкімшілік айыппұл салынғанын атап өтті.

ҚР “Мемлекеттік көрсетілетін қызметтер туралы” Заң талаптарының сақталуын қадағалау мақсатында есепті кезеңде 89 ішкі бақылау шаралары жүргізіліп, 349 заң бұзушылықтар анықталған.

Оның ішінде бекітілген стандартта көзделген құжаттардың толық топтамасы болмаған кезде мемлекеттік қызметті көрсетудің 94 фактісі анықталып, 14 жауапты қызметкерге тәртіптік жаза берілген.

 Облыс бойынша 704 өзіне-өзі қызмет көрсету бұрыштары жұмыс істейтіні, тұрғындарға 2000-ға жуық қызметтер көрсетіліп, профилактикалық жұмыстар жүргізілгені атап айтылды.

 “Сервистік әкімдіктер” Тараз қаласы мен аудандарда мемлекеттік қызметтерді бір жерден алуға мүмкіндік беріп, ашықтық пен қолжетімділікті қамтамасыз ететіні айтылып, 9 айда мемлекеттік қызметтерді көрсету сапасын арттыру бойынша 2 973 809 халықты қамтыған 2441 түсіндірме іс-шаралары жүргізілгені баяндалды.

 Сонымен қатар. ҚР Президентінің жанындағы мемлекеттік басқару Академиясының Жамбыл облысы бойынша филиалында мемлекеттік көрсетілетін қызметтер бойынша біліктілігін арттыру курстарынан 106 қызметкер өткені туралы айтылды.

 Қоғамдық мониторинг қорытындысымен жергілікті атқарушы органдармен ұсынылатын мемлекеттік қызметтерге қанағаттанушылық деңгейі бойынша 2022 жылы Жамбыл облысы 67,3% көрсеткен, қызметтер бойынша орташа балл 4,48-ді құрап, аймақтар ішінде рейтингтік 6-шы орынға ие болған (2021 жылы 9-шы орынды иеленген).

 Кеңес мүшелері Тараз қаласы, аудан әкімі аппаратының басшылары мен басқарма басшыларының жеке жұмыс жоспарына рұқсат беру мерзімдерін бұзу мен тәртібін сақтау мәселелеріне қатысты нысаналы мақсатты индикатор енгізілгені мемлекеттік қызметті көрсету сапасын бағалауға, бақылауға, қоғамдық мониторингілеуді жүргізуге тікелей ықпал ететінін атап өтті.