Жетісу облысы, семинар

---

2023 жылдың 21 желтоқсан күні Талдықорған қаласында Жетісу облыстық Қоғамдық кеңесінің төрағасы Қошанбеков Ерғазы Қошанбекұлының төрағалығымен «Қоғамдық кеңес мүшелері мен мүдделі тұлғалар үшін қоғамдық мониторинг және бақылау жүргізу, бюджетті талдау бойынша дағдыларды қалыптастыру» атты облыстық семинар өтті. Семинарға аудандық, қалалық Қоғамдық кеңестердің төрағалары, хатшылары, ауылдық қауымдастықтың төрағалары мен Қоғамдық кеңестің белсенді мүшелері қатысты.

Жиында Алматы қаласы  Қоғамдық кеңесінің мүшесі, қоғамдық  жұмыстарға белсенді атсалысып жүрген белгілі қоғам қайраткері  Кисиков Бекнұр Сейтжанұлы қоғамдық кеңес жұмыстарын жүргізудегі тәжірибесімен бөлісті. Сонымен қатар, «Жетісу» телеарнасының продюсері, белгілі журналист Гүлжан Қызайбай қоғамдық кеңес мүшелеріне қоғамдық жұмыстарды әлеуметтік желілерде дұрыс жүктеуді, оқырмандарды қызықтыру үшін креативтік формаларды пайдалануды,  материалдарды шұғыл орналастыруды және тағы басқа да функциялармен таныстырды.

Семинар барысында облыстың қоғамдық кеңесінің төрағасы Қошанбеков Ерғазы Қошанбекұлы аудандық, қалалық Қоғамдық кеңестерінің мүшелерін қоғамды дамытуға қосқан үлесі үшін алғыс хатпен марапаттады.